Yn ôl adroddiad a cyhoeddwyd gan Estyn, ae arolygwyr wedi canfod bod ysgolion sy’n gweithredu prosiectau Rhagori yn adrodd am welliannau.

Menter gan Lywodraeth Cynulliad Cymru yw Rhagori (Codi Cyrhaeddiad a Safonau Unigol mewn Addysg) sydd â’r nod o wella lefelau cyflawniad ymhlith y rheiny sydd dan anfantais economaidd a chymdeithasol. Gan ddefnyddio canran y disgyblion sy’n cael prydau ysgol am ddim fel dangosydd o amddifadedd cymharol, buddsoddwyd dros £14m mewn ysgolion cymwys bob blwyddyn ers 2006. 

Yn 2007, cafodd dros 500 o ysgolion gyllid Rhagori.  Mae ysgolion wedi gwario’r cyllid mewn amryw o wahanol ffyrdd, o gyflogi mwy o gynorthwywyr addysgu a staff cynorthwyo dysgu i brynu offer newydd.

mae adborth gan ysgolion yn dangos y bu gwelliannau.  Er enghraifft, mae un ysgol uwchradd wedi gweld gostyngiad o 50% yng nghyfradd y gwaharddiadau ers i’r cynllun ddechrau.

Fodd bynnag, mae cyfradd y gwelliant wedi arafu neu wrthdroi mewn traean o awdurdodau lleol yn ystod y tair blynedd ddiwethaf. 

Fe ellir lawrlwytho’r adroddiad oddi ar wefan Estyn.