Y mae Jane Hutt, Gweinidog Cymru dros Blant, Addysg, Dysgu Gydol Oes a Sgiliau, wedi cyhoeddi dogfen gyfarwyddyd ar gyfer awdurdodau lleol a chyrff llywodraethol ynglŷn â threfniadau ar gyfer diogelu plant o dan adran 175 Deddf Addysg 2002.

Y mae’r canllawiau terfynol, a oedd yn destun ymarfer ymgynghori rhwng y 19eg o Fawrth a’r 13eg o Orffennaf 2007, yn disodli cylchlythyr cyfarwyddyd presennol 52/1995, Amddiffyn Plant rhag cael eu Cam-drin:Rôl y Gwasanaeth Addysg. Y mae’r ddogfen yn:

• rhoi canllawiau ynglŷn ag effaith y ddyletswydd i gael trefniadau ar gyfer diogelu a hyrwyddo lles plant, a gyflwynwyd gan adran 175 y Ddeddf;
• amlinellu rolau a chyfrifoldebau awdurdodau lleol, cyrff llywodraethol, perchenogion ysgolion annibynnol, prifathrawon, a staff sydd â chyfrifoldeb dynodedig dros amddiffyn plant o ran gwneud trefniadau, er mwyn galluogi pobl yn y gwasanaeth addysg i chwarae’u rhan lawn mewn diogelu plant rhag camdriniaeth ac esgeulustod;
• cydategu’r canllawiau yn Diogelu Plant: Gweithio gyda’n Gilydd dan Ddeddf Plant 2004, drwy amlinellu’r isadeiledd a’r trefniadau y mae angen eu sefydlu fel bod pobl yn y gwasanaeth addysg yn meddu ar y medrau, y modd a’r hyfforddiant sy’n angenrheidiol i sicrhau bod plant a phobl ifanc yn cael eu hamddiffyn rhag niwed.

Fe ellir lawrlwytho’r canllawiau oddi ar wefan Llywodraeth Cynulliad Cymru.