Y mae’r Gweinidog Addysg, Jane Hutt, wedi lansio Fframwaith Effeithiolrwydd Ysgolion o eiddo Llywodraeth Cynulliad Cymru, sydd â’r nod o roi plant a phobl ifanc wrth graidd polisi addysg a’r ffordd y caiff addysg ei darparu yng Nghymru.

Y mae’r Fframwaith yn ganlyniad cydweithredu rhwng Llywodraeth Cynulliad Cymru, awdurdodau lleol, prifathrawon a phartneriaid allweddol eraill, ac fe fydd ganddo rôl ganolog yn y gwaith o ddatblygu polisïau addysg yng Nghymru yn y dyfodol.

Fe fydd ystod o ysgolion, yn cynnwys ysgolion cynradd, uwchradd ac ysgolion arbennig; ysgolion trefol a gwledig; ysgolion eglwysig ac ysgolion sy’n gweithredu drwy gyfrwng y Gymraeg yn treialu’r Fframwaith o fis Medi, 2008.

Fe fydd prifathrawon yn cael eu hyfforddi fel ‘unigolion cyswllt’ ac yn cael eu rhyddhau o’u dyletswyddau arferol am chwarter eu hamser er mwyn gweithio gydag ysgolion eraill yn eu hardal i wella cydweithredu.

Fe fydd y Fframwaith yn cael ei roi ar waith fesul cam ym mhob ysgol o ganol 2009. Fe fydd £5.1 miliwn yn cael ei wario ar ddatblygu’r fframwaith dros y tair blynedd nesaf.

Fe ellir lawrlwytho’r Fframwaith oddi ar wefan Llywodraeth Cynulliad Cymru