Mae’r Cylchlythyr hwn yn darparu canllaw diwygiedig ar y Cymhwyster Proffesiynol Cenedlaethol Gorfodol ar gyfer Prifathrawiaeth (CPCP) yng Nghymru. Mae’r canllaw hwn yn disodli Cylchlythyr 20/05 (Gorffennaf 2005).

Nid yw’r gofyniad statudol sy’n sail i’r NPQH yng Nghymru wedi newid. Cyhoeddwyd y canllaw hwn er mwyn rhoi eglurhad pellach mewn perthynas â’r gofyniad i feddu ar gymhwyster NPQH neu gymhwyster cyfatebol wrth:

• wneud cais am benodiad i brifathrawiaeth;
• cael eich penodi’n bennaeth; a
• dechrau gwasanaethu fel pennaeth.

Mae Rheoliadau Cymwysterau a Chofrestru Prifathrawon (Cymru) 2005 yn gwahardd unigolyn rhag gwasanaethu fel pennaeth oni fydd yn meddu ar gymhwyster NPQH neu gymhwyster cyffelyb. Nid yw’r Rheoliadau’n gwahardd unigolyn nad yw’n meddu ar yr NPQH neu gymhwyster cyffelyb rhag ymgeisio am benodiad i brifathrawiaeth neu ei benodi’n bennaeth, er na all unrhyw unigolyn a benodir ddechrau gwasanaethu fel pennaeth hyd nes y bydd yn meddu ar yr NPQH neu gymhwyster cyffelyb.

Cynghorir unigolion sy’n awyddus i ymgeisio am swyddi penaethiaid a rhai sydd eisoes yn gwasanaethu fel penaethiaid a chyrff sy’n ymwneud â phenodi penaethiaid i roi sylw dyledus i’r gweithdrefnau a’r cyngor a nodir yn y Cylchlythyr hwn.

Fe ellir lawrlwytho’r canllawiau oddi wrth wefan Llywodraeth Cynulliad Cymru.