Y mae Llywodraeth Cynulliad Cymru wedi cyhoeddi canllaw ar gyfer cyrff llywodraethol a phrifathrawon ynglŷn â materion yn ymwneud â gweithredu neu newid polisi gwisg ysgol ac ymddangosiad.

Y mae’r canllaw’n canolbwyntio ar:

• sicrhau y rhoddir sylw priodol i sicrhau triniaeth gyfartal rhwng bechgyn a genethod ac ar gyfer disgyblion o wahanol gefndiroedd ethnig a chrefyddol a disgyblion anabl yn gysylltiedig â pholisïau gwisg ysgol ac ymddangosiad;
• costau;
• ystyriaethau ymarferol yn gysylltiedig â chyflwyno neu newid polisïau gwisg ysgol ac ymddangosiad;
• ymgynghori â rhieni a disgyblion.

Y mae’r ddogfen hefyd yn nodi’r sefyllfa gyfredol parthed cymorth ariannol i rieni tuag at y gost o brynu gwisg ysgol.

Fe ddywed nad yw Llywodraeth y Cynulliad yn ystyried gwahardd yn "ymateb priodol" i dorri polisïau gwisg ysgol.

Y mae’r canllaw ar gael i’w lawrlwytho oddi ar wefan Llywodraeth Cynulliad Cymru