Mae Jane Hutt, y Gweinidog dros Blant, Addysg Dysgu Gydol Oes a Sgiliau, wedi cyhoeddi datganiad ar yr Adroddiad Interim am y grant Rhagori ar gyfer Plant sy’n Derbyn Gofal.
Mae'r adroddiad interim, a luniwyd gan werthuswyr allanol o'r Uned Pobl a Gwaith, yn ymdrin â'r ddwy flynedd academaidd gyntaf yr oedd y grant ar gael (2006-08). Mae'n pwyso a mesur y gwaith a wnaed gan yr awdurdodau lleol er mwyn mynd i'r afael â pherfformiad addysgol ym Mlynyddoedd 10 ac 11, ac yn cyfeirio hefyd at ganfyddiadau'r bobl hynny yn yr awdurdodau lleol sy'n cydweithio'n agos ag ysgolion, gweithwyr cymdeithasol a phanelau lleoli er mwyn mynd i'r afael ag anghenion dynodedig y plant.
Mae'r datganiad llawn ar gael ar wefan Llywodraeth Cynulliad Cymru.