Mae Jane Hutt, y Gweinidog dros Blant, wedi gwneud datganiad yn ymateb i’r sylwadau terfynol ar gyfer y DU a gyhoeddwyd gan Bwyllgor y Cenhedloedd Unedig ar Hawliau’r Plentyn.

Fe wnaeth y Gweinidog amlinellu rhai o’r camau a gymrwyd gan Lywodraeth y Cynulliad er mwyn gwella’r sefyllfa yn achos hawliau plant, yn cynnwys:

• Sefydlu Pwyllgor Cabinet ar gyfer plant a phobl ifanc a phwyllgor craffu'r Cynulliad Cenedlaethol ar gyfer Plant a Phobl Ifanc.
• Mae gwaith aml-asiantaeth ar y gweill ym mhob awdurdod lleol ar Gynlluniau Plant a Phobl ifanc, sy’n cymryd i ystyriaeth safbwyntiau plant a phobl ifanc.
• Datblygu fframwaith cenedlaethol ar gyfer gwasanaethau eiriolaeth cyffredinol.
• Mae’r Ddraig Ffynci, sy’n chwech oed bellach, yn dod yn llais cryf o ran siarad ar ran plant a phobl ifanc.
• Cefnogi plant a phobl ifanc i gymryd rhan mewn penderfyniadau ar faterion sy’n effeithio ar eu bywydau’n lleol, gan gynnwys chwarae, bwlio a materion amgylcheddol.
• Datblygu a lledaenu’r Safonau Cyfranogiad Cenedlaethol.
• Agwedd strategol at fynd i’r afael â thlodi.
• Helpu plant a phobl ifanc i fod â rhan mewn datblygu, gweithredu a gwerthuso polisïau.

Mae mwy o wybodaeth ar gael ar wefan Llywodraeth Cynulliad Cymru.