Y mae’r Gymdeithas Genedlaethol er Atal Creulondeb i Blant wedi lansio cyngor i gynorthwyo meddygon, gweithwyr cymdeithasol, swyddogion yr heddlu a gweithwyr proffesiynol eraill i adnabod arwyddion o anafiadau a achoswyd i’r pen a’r asgwrn cefn ymysg plant.
Bob wythnos, y mae o leiaf tri o fabanod a phlant bach yn cael eu hanfon i’r ysbyty o ganlyniad i anafiadau bwriadol i’r pen, yn cynnwys cleisiau, llosgiadau, toresgyrn yn y penglog ac yn esgyrn yr wyneb, ac anafiadau i’r ymennydd, ond fe all eraill aros yn guddiedig.
‘Anafiadau i’r pen a’r asgwrn cefn ymysg plant’ yw’r pumed yn y gyfres CORE-INFO, a gynhyrchir gan y Gymdeithas Genedlaethol er Atal Creulondeb i Blant mewn partneriaeth â’r Adran Iechyd Plant, Prifysgol Caerdydd. Yr oedd taflenni blaenorol yn cwmpasu anafiadau thermol, brathiadau ac anafiadau geneuol, cleisio, a thoresgyrn.
Y mae’r daflen ar gael i’w lawrlwytho oddi ar wefan y Gymdeithas Genedlaethol er Atal Creulondeb i Blant.