Y mae canllawiau newydd ar gyfer cynnwys tadau mewn gwasanaethau blynyddoedd cynnar yn cael eu lansio gan Plant yng Nghymru ar y 23ain o Hydref, 2008. Fe gomisiynwyd y canllawiau gan Lywodraeth Cynulliad Cymru mewn ymateb i’r gydnabyddiaeth gynyddol o’r rôl bwysig sydd gan dadau ym mywydau’u plant.  Y mae plant sy’n agored i niwed o gefndiroedd difreintiedig yn tueddu i ennill hyd yn oed fwy oddi wrth berthynas tad-plentyn gref na phlant o deuluoedd mwy cefnog, ac y maent yn dioddef mwy pan fo hyn yn ddiffygiol.  Y mae’r canllawiau’n ystyried amryw o faterion sy’n effeithio ar gynnwys tadau mewn gwasanaethau, ac y maent yn darparu ystod o astudiaethau achos sy’n dangos yr hyn sydd wedi gweithio’n dda.  Y maent yn cael eu lansio yn y Gynhadledd ‘Cyrraedd y Nod i Deuluoedd?’ a gynhelir ar y 23ain o Hydref yn Llanfair-ym-Muallt.

Fe ellir cael y canllawiau, Cynnwys Tadau mewn Gwasanaethau Blynyddoedd Cynnar: Ymarfer Cadarnhaol ar gyfer Gweithwyr Proffesiynol, oddi wrth Plant yng Nghymru, Ffôn: 029 2034 2434, neu fe ellir eu lawrlwytho oddi ar wefan Plant yng Nghymru, www.childreninwales.org.uk/publications neu am fwy o wybodaeth, cysylltwch â Tony Ivens, Swyddog Datblygu Tadolaeth, Plant yng Nghymru, E-bost: tony.ivens@childreninwales.org.uk