Ymgynghori o'r 15/3/05 hyd at y 30/6/05

Fe lansiwyd Cynllun Gweithredu Rhianta o eiddo Llywodraeth Cynulliad Cymru ar gyfer ymgynghori ar y 15fed o Fawrth, 2005. Y bwriad wrth wraidd y cynllun yw codi proffil magu plant yng Nghymru. Y mae'n amlinellu amryw o gynigion ar gyfer datblygu gwasanaethau cymorth i rieni yn y dyfodol, gan gynnwys:

• Hyrwyddo modelau ar gyfer cynnwys a grymuso rhieni;


• Darparu mwy o gyfleoedd i rieni gyfrannu at y broses o gynllunio a darparu gwasanaethau;


• Rhoi mwy o wybodaeth a chyngor, gan gynnwys sefydlu llinell gymorth ddwyieithog genedlaethol, i rieni yng Nghymru;


• Sicrhau mai'r cymorth a gynigir i rieni yw un o'r amcanion i elwa oddi wrth yr adnoddau ychwanegol o fewn cronfa Cymorth;


• Annog rhieni i ymwneud mwy ag ysgolion.

Y mae'r Cynllun Gweithredu Rhianta wedi'i ddatblygu yn dilyn gwaith Gweithgor bychan a sefydlwyd 'llynedd ac a gadeiriwyd ar y cyd gan Lywodraeth Cynulliad Cymru a Fforwm Magu Plant (y rhwydwaith magu plant a sefydlwyd gan Plant yng Nghymru). Fe gytunwyd ar y Cynllun Gweithredu Rhianta gan Gabinet y Cynulliad ar y 24ain o Ionawr, 2005.

Fe ellir llwytho'r Cynllun Gweithredu Rhianta a chrynodeb ohono oddi ar wefan y Cynulliad

Y mae mwy o fanylion am lansio'r Cynllun Gweithredu ar gael yn natganiadau Plant yng Nghymru a'r Cynulliad i'r wasg.