Diwedd yr ymgynghoriad: 24/10/08

Y mae’r ddogfen ymgynghori hon yn ymofyn barn am gynnwys y rheoliadau drafft y mae’r Gweinidogion Cymreig yn bwriadu’u gwneud o dan adran 24 y Ddeddf Addysg (2002) a chanllawiau cysylltiedig. 

Fe fydd y rheoliadau drafft yn galluogi cyrff llywodraethol unrhyw nifer o ysgolion a gynhelir, yn cynnwys ysgolion meithrin, i ffederaleiddio’n ffurfiol o dan un corff llywodraethol, tra eu bod yn cadw’u hunaniaeth a’u cymeriad unigol.

Drwy gydweithio, fe gred Llywodraeth Cynulliad Cymru y gall ysgolion rannu ymarfer gorau, datblygu ymagweddiadau newydd a hyrwyddo gweithgareddau a fyddai’n anodd eu cynnal yn unigol.

Fe ellir lawrlwytho’r dogfennau ymgynghori oddi ar wefan Llywodraeth Cynulliad Cymru.