Y mae Ymddiriedolaeth y Tywysog wedi cyhoeddi adroddiad sy’n seiliedig ar astudiaeth ar raddfa eang yn ymchwilio i sut y mae pobl ifanc yn teimlo am gyflwr eu bywydau heddiw a pha mor hyderus y maent am eu dyfodol.

Fe ddengys y canlyniadau mai o’r bobl ifanc 16-25 mlwydd oed hynny a holwyd, y mae un o bob deg yn credu nad yw bywyd yn werth ei fyw neu’i fod yn ddiystyr. O ran y bobl ifanc nad ydynt mewn addysg, cyflogaeth na hyfforddiant, fe wnaeth 37% ddatgan eu bod yn aml yn teimlo’n isel eu hysbryd, tra bod 27% o’r grŵp hwn wedi dweud nad oedd gan eu bywydau ddiben.

Y mae’r adroddiad ar gael i’w lawrlwytho oddi ar wefan Ymddiriedolaeth y Tywysog.