Gan Trudy Aspinwall a Cath Larkins dros Gynulliad Plant a Phobl Ifanc Cymru (Y Ddraig Ffynci) a Llywodraeth Cynulliad Cymru, 2002

Bwriad y ddogfen hon sef Canllaw y Ddraig Ffynci i Gyfranogi yw cynorthwyo i ddatblygu cyfranogiad effeithiol plant a phobl ifanc o lunio penderfyniadau yng Nghymru. Fe rydd ganllawiau arferion da ynglyn â chefnogi grwpiau o blant a phobl ifanc gyda chyfranogi. Y mae’r canllaw yn cynnwys sylwadau a syniadau oddi wrth blant a phobl ifanc a wnaeth gyfranogi o ddigwyddiad ymgynghori ym mis Chwefror, 2002.

Fe rannir y ddogfen yn 5 o adrannau:

• 1. Cyflwyniad - sy’n rhoi gwybodaeth ynglyn ag ar gyfer pwy y bwriedir y canllaw a’r hyn y mae’n gobeithio’i gyflawni.



• 2. Egwyddorion Cyfranogi sy’n archwilio beth yw cyfranogi a sut y gellir ei ddatblygu. Fe rydd fanylion o’r hawl i gyfranogi fel a nodir yng Nghonfensiwn y Cenhedloedd Unedig ar Hawliau’r Plentyn. Yn olaf, y mae’n ystyried y budd a ddaw o gyfranogi ar gyfer y gymdeithas, ar gyfer y plant a phobl ifanc ac ar gyfer y gymuned drwyddi draw.



• 3. Paratoi a Chynllunio - sy’n amlinellu pethau i’w cofio wrth ystyried pa fath o gyfranogiad i’w drefnu. Y mae’n ystyried nodau ac amcanion, ymrwymiad oddi wrth y gymdeithas, effaith ar wasanaethau/polisïau, graddfeydd amser ac adnoddau. Y mae’n archwilio meysydd i’w hystyried wrth benderfynu pwy fydd yn cymryd rhan yn y cyfranogi a phwy fydd yn gwneud y gwaith. Yn olaf, y mae’r adran yn archwilio diogelwch, materion moesegol a sut i gefnogi unigolion gydag anghenion arbennig.



• 4. Gweithredu a Gwerthuso - sy’n cynnwys syniadau ynglyn â gweithgareddau cyfranogi posibl ac y mae’n rhoi enghreifftiau. Y mae hefyd yn cynnwys cyfarwyddyd ynglyn â sut i sicrhau bod gweithgareddau yn effeithiol ac yn cael eu gwerthuso.



• 5. Adnoddau ar gyfer cyfranogi - sy’n rhoi cyfeiriadau dan amrywiol benawdau pwnc ac y mae’n rhoi cysylltiadau a chymdeithasau defnyddiol.

Cyhoeddwyd yn 2002 gan Funky Dragon/Draig Ffynci a Llywodraeth Cynulliad Cymru.

Cysylltwch â

Y Ddraig Ffynci
First Floor Offices
8 Castle Square
Swansea
SA1 1DW

Ffôn: 01792 450 000

Neu llwythwch y canllaw oddi ar wefan y Ddraig Ffynci.

ISBN: 0 7504 3037 0