Aelodau Seneddol Y mae Ty’r Cyffredin yn cynnwys 659 o Aelodau neu ASau, ac y mae 40 ohonynt yn cynrychioli etholaethau yng Nghymru. Fe etholir yr ASau yn ystod Etholiadau Cyffredinol a gynhelir o leiaf bob pum mlynedd. Fe all ASau hefyd gael eu hethol mewn isetholiadau a gynhelir mewn etholaethau unigol rhwng etholiadau, fel y bo’r angen. Fe ellir canfod manylion ynglyn ag ASau cyfredol a chanlyniadau Etholiad Cyffredinol 2005 drwy gyrchu’r Dolenni Cysylltiedig ar ochr dde y dudalen. Ty’r Arglwyddi Yr oedd yna gyfanswm o 731 o arglwyddi yn Nhy’r Arglwyddi fel o’r 1af o Orffennaf, 2005. Y maent yn cynnwys arglwyddi lleyg (Arglwyddi Lleyg) ac uwch-esgobion (Arglwyddi Eglwysig). Y mae yna hefyd uwch-farnwyr (Arglwyddi’r Gyfraith) sy’n bresennol fel Arglwyddi Lleyg. Nid etholir arglwyddi. O’r arglwyddi cyfredol, y mae 92 yn arglwyddi etifeddol, tra bod y mwyafrif yn cael eu penodi fel arglwyddi am oes. Fe ellir cyrchu Cyfeirlyfr Arglwyddi a Chyflwyniad i’r Senedd sy’n rhoi rhagor o fanylion ynglyn â chynnwys a swyddogaeth y ddau Dy drwy gyfrwng y Ddolen Gysylltiedig ar yr ochr dde.