15 Ebrill 2008

Mae ymgyrchwyr dros blant a phobl ifanc anabl wedi cyhoeddi maniffesto ar gyfer yr etholiadau lleol Mai 1, 2008. Cynhyrchwyd y maniffesto gan yr ymgyrch Plant Anabl yn Cyfri Cymru, sydd am sicrhau i blant a phobl ifanc yr un cyfleon dydd i ddydd ag a fwynheir gan blant a phobl ifanc eraill. Mae’r maniffesto’n galw ar gynghorwyr i roi blaenoriaeth i blant anabl a’u teuluoedd dros y pedair blynedd nesaf. Dangosodd adroddiadau diweddar (gweler nodyn 3) fod y modd y darperir gwasnaethau i blant anabl ar hyn o bryd yn annigonol i’w anghenion. Yr her dros y tair blynedd nesaf yw paratoi’r ffordd i drawsnewid y gwasnaethau sy’n cynnal plant anabl fel y cant yr un cyfleon dydd i ddydd a phlant eraill.

Mae’r Ymgyrch Plant Anabl yn Cyfri Cymru am i blant a phobl ifanc a’u teuluoedd gael:

• Y wybodaeth iawn ar yr amser iawn
• Gwir ddewis mewn addysg
• Y gwasanaethau iechyd sydd eu hangen arnynt i fyw bywyd normal
• Mynediad llawn i weithgarwch chwarae a hamdden
• Cyfle i gyfrannu i gynllunio’r gwasanaethau fyddant yn eu derbyn
• Mynediad llawn i gyfleusterau cymunedol
• Digon o arian i fyw

Dywed Zoë Richards o Anabledd Dysgu Cymru, un o gydlynyddion yr ymgyrch: "Mae’n bwysig bod gwasanaethau plant a phobl ifanc yn cael eu tanlinellu fel rhywbeth i’w flaenoriaethu yn nhrefniadaeth cynllunio Awdurdodau Lleol i sicrhau gwelliant arwyddocaol mewn gwasanaethau plant anabl a’u teuluoedd."

DIWEDD

Nodiadau:

1. Lansiwyd y maniffesto ar Ebrill 00, 2008. Gellir ei ddadlwytho o wefan Plant Anabl yn Cyfri Cymru, www.dcmw.org.uk
2. Lansiwyd Ymgyrch Plant Anabl yn Cyfri Cymru ym Medi, 2007. Ei nod yw sicrhau fod plant a phobl ifanc anabl a’u teuluoedd yn cael yr hawliau a haeddant. Fe’i harweinir gan bartneriaeth rhwng Plant yng Nghymru, Cyswllt Teulu Cymru, Anabledd Dysgu Cymru a Mencap Cymru.
3. Mae Adroddiad 06/07 Fframwaith Gwasanaeth Cenedlaethol ar gyfer y Plant a gyhoeddwyd gan Lywodraeth y Cynulliad yn dangos yn gyson mai y gwasanaethau ar gyfer plant anabl a’u teuluoedd yw’r adran gyda’r trefniant darparu gwannaf ar draws Cymru.

Cath Lewis, Swyddog Datblygu, Anabledd, Plant yng Nghymru, Tel: 029 2034 2434, e-bost: catherine.lewis@childreninwales.org.uk