Fe ddengys yr astudiaeth gyntaf erioed o fyfyrwyr prifysgol sydd â chefndir o fod dan ofal y gall ymadawyr â gofal elwa oddi wrth addysg uwch os cânt y math cywir o anogaeth a chefnogaeth. Y mae llai nag un o bob cant o ymadawyr â gofal yn cyrraedd prifysgol, o gymharu â bron hanner y bobl ifanc sy’n byw gyda’u teuluoedd eu hunain. “Mynd i Brifysgol o Ofal” yw’r adroddiad terfynol o’r astudiaeth bum mlynedd, sef ‘Fesul Graddau’, a gomisiynwyd gan Ymddiriedolaeth Frank Buttle, a wnaeth ddilyn tri grwp olynol o bobl ifanc a ddechreuai ar addysg uwch o gefndir gofal mewn awdurdod lleol.
Y mae canfyddiadau’r ymchwil yn awgrymu bod gan lawer mwy o’r bobl ifanc hyn, o gael y cyfle, y potensial i elwa oddi wrth addysg uwch. Fe anogir awdurdodau lleol, ysgolion a phrifysgolion i gydweithio i godi dyheadau ac i ddarparu’r gefnogaeth ariannol, ymarferol ac emosiynol sydd eu hangen.
Fe gynlluniwyd yr astudiaeth ‘Fesul Graddau’ i ddylanwadu ar bolisi ac arferion yn genedlaethol ac yn lleol.
Y mae Plant yng Nghymru yn cynnal seminar i archwilio i gyhoeddiad canlyniadau’r gwaith ymchwil, a gyflwynwyd gan y cydawdur, Sonia Jackson, Cymrawd Athrawol Uned Ymchwil Thomas Coram, yr Athrofa, Prifysgol Llundain.
Gyda siaradwyr gwadd:
Fe gadeiriwyd gan Catriona Williams, Prif Weithredwr, Plant yng Nghymru, a ddywedodd: “Ni allaf bwysleisio digon y pwysigrwydd o gefnogi plant dan ofal cyhoeddus i gyflawni, nid dim ond i oroesi. Drwy bennu disgwyliadau sy’n rhy isel, y mae yna berygl ein bod yn rhwystro plant sy’n derbyn gofal rhag cyflawni’u llawn botensial.”
Nodiadau:
Fe gyhoeddir ‘Going to University from Care’ gan Sonia Jackson, Sarah Ajayi a Margaret Quigley gan yr Athrofa. Cysylltwch â:
Ffôn: 020 7612 6050 E-bost: ioe@johnsmith.co.ukGwefan: http://ioewebserver.ioe.ac.uk/io