Mae’r her o sicrhau bod hawliau a lles plant yn cael eu diwallu yn yr hinsawdd ariannol bresennol i’w thrafod yng Nghynhadledd Polisi Flynyddol Plant yng Nghymru, fydd yn cael ei chynnal ar y 24ain a’r 25ain o Dachwedd yng Nghasnewydd.

Mae adroddiad a ryddhawyd yfory, yn tynnu sylw at y gwahanol ffyrdd y mae plant a phobl ifanc sy'n byw mewn cartrefi incwm isel, neu gartrefi sy'n derbyn budd-daliadau yng nghefn gwlad Cymru yn cael eu heithrio o wasanaethau sydd ar gael i'w cyfoedion mewn ardaloedd trefol.

Mae arbenigwyr o bob cwr o Brydain ac Iwerddon yn cyfarfod yng Nghaerdydd yr wythnos nesaf i drafod sut i atal anafiadau i blant ac oedolion ieuainc. Fe fydd y gynhadledd ddeuddydd yn edrych ar ymyriadau effeithiol ar gyfer anafiadau, a achoswyd drwy ddamweiniau, hunan-niweidio a thrais. Fe fydd yn cwmpasu ystod o destunau a dulliau atal ledled y Deyrnas Unedig, Ewrop ac yn rhyngwladol. Fe fydd y gynhadledd hefyd yn ystyried mesurau atal damweiniau ar gyfer anafiadau sy’n digwydd yn y cartref, ar y ffordd fawr a thrwy danau yn y cartref.

Mae ymchwil newydd yn datgelu maint y defnydd o gyffuriau ac alcohol ymysg plant a phobl ifanc yng Nghymru heddiw. Fodd bynnag, mae'r ymchwil yn mynd rhagddo i ddangos y gall perthynas tad/plentyn gref weithredu fel ffactor diogelu rhag y gwaethaf o'r gormodeddau hyn.

Y mae cymhariaeth ryngwladol o waith sy’n cael ei wneud i atal damweiniau yn ystod plentyndod yn dangos bod Cymru’n llusgo ar ôl y rhan fwyaf o’n cymheiriaid Ewropeaidd.

Y mae ystadegau rhagarweiniol a gyhoeddwyd heddiw gan Plant yng Nghymru a Catch22 yn dangos bod plant sy’n mwynhau perthynas dda gyda’u tad yn llai tebygol o ymhél ag yfed o dan oed, cymryd cyffuriau neu ysmygu canabis.

Fe fydd rhieni ac ymarferwyr yn canfod mwy am y rhaglen newydd sy’n gwella’r cymorth a ddarperir i deuluoedd plant ieuainc gydag anableddau mewn digwyddiad yn Llandrindod dydd Llun nesaf, 23 Mawrth 2009.

Y mae arbenigwyr addysg yn cyfarfod yng Nghaerdydd ar ddydd Gwener i edrych ar ffyrdd o leihau bwlio yn Ysgolion Cymru. Y mae bwlio ac ymddygiad cymdeithasol sy’n dirywio yn cael lle’n rheolaidd ym mhenawdau’r newyddion, ac nid oes yna ond ychydig o bobl sy’n gweithio gyda phlant a phobl ifanc na fydd ganddynt brofiad o’r broblem. Fe fydd arbenigwyr sy’n cyfarfod yn y gynhadledd undydd yn edrych ar fentrau a all newid gwerthoedd ledled yr holl ysgol.

Y mae plant a phobl ifanc yng Nghymru i gael cyfle unigryw i ddysgu am ymchwil ac adborthi’u barn amdano mewn digwyddiad a drefnir i goffáu Comisiynydd Plant cyntaf Cymru, y diweddar Peter Clarke.

Y mae yna raglen newydd fydd yn gwella’r gefnogaeth a ddarperir i deuluoedd plant ieuainc sydd ag anableddau i’w gweithredu ledled Cymru.

Y mae poster yn hysbysu pobl ifanc ynglŷn â'u hawliau pan fyddant yn ymweld â meddyg wedi'i lansio heddiw.

Y mae Plant yng Nghymru’n croesawu dau adroddiad, a gyhoeddwyd gan Sefydliad Iechyd y Byd heddiw, sy’n amlygu’r golled enfawr i gymdeithas a achoswyd gan anafiadau yn ystod plentyndod.

Fe fydd Robert Croft, arwr criced a thad, yn siarad mewn cynhadledd i nodi Wythnos Rhieni ym Maes Sioe Frenhinol Cymru ar y 23ain o Hydref.

Fe fydd teuluoedd o bob cwr o Gymru ymysg miloedd fydd yn gorymdeithio drwy Lundain y penwythnos hwn, yn galw ar Lywodraeth y Deyrnas Unedig i gadw’i haddewid ynglŷn â dileu tlodi ymysg plant. Fe addawodd Llywodraeth y Deyrnas Unedig haneru tlodi ymysg plant erbyn 2010 ond y maent mewn gwir berygl o fethu â chyrraedd y targed hwn. Yn yr hinsawdd economaidd gyfredol, y mae’n neilltuol o bwysig bod y Llywodraeth yn gweithredu’n eofn yn awr i sicrhau gwell dyfodol i’n plant i gyd.

Fe fydd Prif Weinidog Cymru, Rhodri Morgan, heddiw yn rhoi anerchiad mewn cynhadledd plant ryngwladol fawr. Y mae Fforwm Byd 2008 yn gynhadledd tri diwrnod sy’n dod ag arbenigwyr plant ynghyd o bob cwr o’r byd i ystyried y ffyrdd gorau o ymyrryd yn gynnar pan fydd plant yn cael problemau. Fe fydd arbenigwyr sy’n mynychu’r gynhadledd yng Nghaerdydd yn trafod sut y maent yn ymyrryd yn gynnar yn eu gwledydd eu hunain mewn ystod o sefyllfaoedd. Fe wnânt ystyried materion megis iechyd meddwl, cymorth i deuluoedd, addysg ac amddiffyn plant. Fe fydd cynrychiolwyr hefyd yn ystyried dulliau a all rwystro problemau rhag codi yn y lle cyntaf.

Fe fydd cynhadledd ryngwladol fawr yn dod ag arbenigwyr plant o bob cwr o’r byd i Gaerdydd yr wythnos nesaf. Fe fydd Fforwm Byd 2008 yn ystyried y ffyrdd gorau o ymyrryd yn gynnar pan fydd gan blant broblemau. Fe fydd cynrychiolwyr yn ystyried sut y mae ymyrraeth gynnar yn gweithio mewn ystod o sefyllfaoedd, yn cynnwys amddiffyn plant, cyfiawnder ieuenctid, addysg, masnachu mewn pobl, gwaith gyda phlant sydd ag anableddau, a llawer o bethau eraill. Fe fydd cynrychiolwyr hefyd yn ystyried dulliau a all rwystro problemau rhag codi yn y lle cyntaf.

Mae elusen plant Plant yng Nghymru yn cyd-noddi cynhadledd ryngwladol bwysig ddiwedd mis Medi ar gyfer arbenigwyr o bob rhan o’r byd.

Gall plant a phobl ifanc sy’n mynychu’r Eisteddfod Genedlaethol yr wythnos hon gymryd rhan mewn cystadleuaeth i ddweud beth y byddent yn ei newid i wella pethau ar gyfer plant a phobl ifanc. Mae’r elusen plant, Plant yng Nghymru, yn dosbarthu cardiau post yn yr Eisteddfod yn gofyn "Pe byddech chi’n rhedeg Cymru, pa un peth fyddech chi’n wneud i wella pethau ar gyfer plant a phobl ifanc?"

Daw sefydliadau plant yng Nghymru ynghyd yn yr Eisteddfod Genedlaethol eleni, gyda rhaglen wythnos o weithgareddau yn hyrwyddo hawliau plant.