Barnardo’s Cymru
Partneriaeth Heol Marlborough
44-46 Heol Marlborough
Y Rhath
Caerdydd CF23 5BX

Ffôn: 029 2049 7531

E-bost: marlboroughroadpartnership@barnardos.org.uk  

www.barnardos.org.uk.marlboroughroad  

Tai Caerdydd

Gwasanaeth Cymorth i Bobl Ifanc Sengl

Tai â chymorth a chymorth fel y bo’r angen i bobl ifanc 16-21 mlwydd oed sy’n agored i niwed, gan ganolbwyntio ar gynorthwyo pobl ifanc i ennill y sgiliau, y wybodaeth a’r ymwybyddiaeth angenrheidiol i fyw’n fwy annibynnol yn eu cymunedau, gyda gwasanaethau neilltuol ar gyfer pobl ifanc groenddu a lleiafrifoedd ethnig a merched ifainc croenddu a lleiafrifoedd ethnig sy’n ffoi rhag trais teuluol.

Gwasanaeth i Deuluoedd Ifainc

Mae’n darparu tai a chymorth ar gyfer teuluoedd ifainc sy’n agored i niwed ble mae’r prif ofalwr yn 16 i 21 mlwydd oed, gan ganolbwyntio ar gynorthwyo pobl ifanc i ennill y sgiliau, y wybodaeth a’r ymwybyddiaeth angenrheidiol i fyw’n fwy annibynnol yn eu cymunedau. Fe fydd yn rhaid gwneud atgyfeiriadau drwy Wasanaethau Cymdeithasol Caerdydd.  

Gwaith S. 180 i Atal Digartrefedd ymysg Ieuenctid.

Gan weithio mewn partneriaeth gyda Chymorth i Fenywod Caerdydd, nod y prosiect yw darparu gwybodaeth am ddigartrefedd a thrais teuluol i bobl ifanc mewn ysgolion uwchradd a gwasanaethau ieuenctid ledled Caerdydd.  

Cymorth i rieni ifainc

Gwasanaethau Cymorth i Rieni Ifainc

Mae rhieni ifainc o dan 17 mlwydd oed yn gallu cymryd rhan mewn cwrs 10 wythnos fydd yn eu cynorthwyo hwy i gael y wybodaeth a’r sgiliau angenrheidiol i ganfod eu ffordd fel rhieni ifainc ym myd oedolion.  Mae rhieni oed ysgol yn cael cynnig rhaglen hwy a all bara tan eu hoedran gadael ysgol ffurfiol.

Prosiect Tadau Ifainc

Mae tadau ifainc o dan 19 mlwydd oed yn gallu cymryd rhan mewn cwrs 10 wythnos fydd yn eu cynorthwyo hwy i gael y wybodaeth a’r sgiliau angenrheidiol i ganfod eu ffordd fel rhieni ifainc ym myd oedolion.

Gwasanaeth Caterpillar Caerdydd a Bro Morgannwg

Prosiect Caterpillar

Mae’r gwasanaeth yn hyrwyddo ymwybyddiaeth o’r stigma a’r diffyg darpariaeth ar gyfer pobl ifanc sy’n profi afiechyd meddwl.   

Fe all pobl ifanc 12-19 mlwydd oed sy’n profi neu sy’n debygol o brofi argyfwng iechyd meddwl gael at waith unigolion a gwaith grŵp.

Bounceback

Gwasanaeth sydd wedi’i seilio mewn tair ysgol ddiffiniedig. Mae’n cefnogi pobl ifanc 15+ mlwydd oed sy’n emosiynol agored i niwed i ddatblygu sgiliau ymdopi a gwytnwch emosiynol ac i fynd drwy Flwyddyn 11 yn llwyddiannus a phontio o’r ysgol i addysg bellach, cyflogaeth ac annibyniaeth.

Gwasanaeth Cwnsela yn yr Ysgol

Mae Partneriaeth Heol Marlborough yn darparu gwasanaeth cwnsela yn yr ysgol.