Manylion Cysylltu:

Llawr 2, Adeiladau’r Lyric, Stryd y Brenin, Caerfyrddin SA31 1BD.

Ffôn: 01267 244200

Ffacs: 01267 244201

Gwefan: www.cerebra.org.uk

E-bost: info@cerebra.org.uk

Y mae Cerebra yn gweithio i sicrhau bod y wybodaeth ddiweddaraf, yn seiliedig ar dystiolaeth ar gael ac yn cael ei chymhwyso ar gyfer atal niwed i’r ymennydd ac ar gyfer triniaethau sydd wedi’u profi. Y mae Cerebra yn gweithredu rhwydwaith gwybodaeth, cyswllt a chefnogaeth ar gyfer Mamau, Tadau, Teidiau a Neiniau ac eraill sy’n gysylltiedig ag unrhyw blentyn sydd â chyflwr yn gysylltiedig â’r ymennydd.

Y mae’r Adran a leolir yng Nghaerfyrddin yn bodoli i ddatblygu gwasanaethau ac i ateb ymholiadau.  Y maent yn ariannu gwaith ymchwil arloesol a hefyd y maent yn cynnal eu hymchwil eu hunain i gwestiynau oddi wrth rieni ac y maent yn darparu atebion manwl i wybodaeth y gofynnir amdani.  Y mae aelodau’n gallu cael defnyddio gwasanaeth Benthyca drwy’r Post o Lyfrgell, derbyn taflen newyddion chwarterol (the Bulletin), a chael defnyddio ystod o wasanaethau sy’n cynnwys cwnsela o ganlyniad i straen a therapi lleferydd ac iaith.

Y mae Cerebra yn berchen ar eu cartref gwyliau’u hunain gyda’i gyfleusterau arbennig a’i ystafelloedd synhwyraidd ei hun, sydd ar gael i aelodau ar gyfer gofal seibiant, ac y maent yn gweithredu cynllun grantiau mawr i bobl gael ymgeisio am gymorth uniongyrchol tuag at gyfarpar a thriniaeth a gynlluniwyd i wneud bywyd eu plentyn yn well ac yn ddedwyddach.

Y mae Cerebra hefyd yn gweithredu’u canolfan arloesi’u hunain ble y mae datrysiadau technegol pwrpasol yn cael eu cynllunio i gynhyrchu cyfarpar sy’n rhoi sylw i broblemau beunyddiol y mae aelodau’n cael profiadau ohonynt, ac y maent yn darparu’u rhaglen addysgol eu hunain sy’n arwain at gymwysterau a gydnabyddir yn genedlaethol mewn meysydd pynciau a gynlluniwyd yn benodol ar gyfer y sawl sydd â chyflwr ar yr ymennydd neu’r sawl sydd â diddordeb yn y cyflwr.