10 Stryd Alfred,
Castell-nedd SA11 1EH
Ffôn: (01639) 630 186
Ffacs: (01639) 630 206
E-bost: forwardsteps@trosgynnal.org.uk

Mae Forward Steps wedi ei leoli yng Nghastell-nedd/Port Talbot ac wedi ymrwymo i hybu canlyniadau cadarnhaol i bobl ifanc sy'n derbyn gofal ac sy’n wynebu’r posibilrwydd o ymyriad i’w lleoliad.

Mae’r prosiect yn cydweithio ochr-yn-ochr â’r bobl ifanc gan gynnig ystod eang o ymyriadau dwys gan gynnwys:
· Cwnsela
· Gwaith Allgyrch
· Ymyrryd mewn argyfwng
· Gwaith stori bywyd
· Gwaith grŵp
· Eiriolaeth
· Gwaith teulu

Mae gwaith ymchwil annibynnol a wnaed gan Brifysgol Caerdydd wedi dangos lefel sylweddol o foddhad ymysg rhanddeiliaid yn arbennig o ran gofalwyr a phobl ifanc. Cadarnhawyd llawer o brofiadau’r prosiect ei hun gan ganfyddiadau’r brifysgol, yn arbennig o ran sefydlogrwydd lleoliad lle roedd dros bedwar ugain y cant o bobl ifanc yn gallu osgoi diwedd nas cynlluniwyd i'w lleoliadau tra mewn cysylltiad â Forward Steps. Yn yr un modd, ers dod yn weithredol, mae pob un o'r bobl ifanc hynny sydd wedi bod yn gysylltiedig â’r prosiect wedi bod yn cymryd rhan mewn addysg neu waith cyn i’w cysylltiad ddod i ben. Ymddengys hefyd mai anaml iawn y mae'r bobl ifanc sy’n gysylltiedig â’r prosiect yn ymddwyn yn anghyfreithlon, ni fyddant yn ffoi, ac ar y cyfan maent yn cyrraedd canlyniadau cadarnhaol sy’n cyfrannu at eu ‘hapusrwydd, diogelwch a datblygiad’.

"Yn gryno, ymddengys bod Forward Steps yn cyfrannu’n gadarnhaol i grŵp o bobl ifanc sydd wedi profi allgau cymdeithasol a diffyg cyfleoedd mewn bywyd."