Grŵp Cefnogi Sefydliadau Gwirfoddol Gogledd Cymru

Amcanion

Rhoi fforwm ar gyfer cefnogaeth anffurfiol i unigolion a chyfleoedd rhannu gwybodaeth.
Dynodi a rhannu arfer da a ddarperir gan sefydliadau gwirfoddol yn gweithio gyda phlant, pobl ifanc a’u teuluoedd yng Ngogledd Cymru yn seiliedig ar egwyddorion Confensiwn y Cenhedloedd Unedig ar Hawliau’r Plentyn.
Dynodi a gwella cyfraniad a dylanwad sefydliadau gwirfoddol yn y mecanweithiau cynllunio ac adolygu gwasanaethau plant yng Ngogledd Cymru. Cynllunio strategaethau am sut i wella cyfraniad asiantaethau gwirfoddol yn y broses.
Ymchwilio cyfleoedd i ddatblygu partneriaethau a chefnogaeth rhwng unigolion a sefydliadau gwirfoddol o fewn Gogledd Cymru.

Anita Myfanwy, Swyddog Datblygu, Gogledd Cymru, Plant yng Nghymru, 24-26 Stryd Fawr, Caernarfon
Ffôn: 01286 677570 Ebost: anita.myfanwy@childreninwales.org.uk / allison.hughes@childreninwales.org.uk

Ar gyfer manylion cyfarfodydd, edrychwch ar y tudalen digwyddiadau.

Materion a drafodwyd yn y cyfarfod diwethaf

Cynhelir cyfarfod blynyddol ar y cyd rhwng y Grŵp Cefnogi Sefydliadau Gwirfoddol Gogledd Cymru a 'r Grŵp Cyfnewid Gwybodaeth Hawliau Plant Gogledd Cymru. Yn 2009, cynhaliwyd y cyfarfod ar 7 Gorffennaf 2009 yng Nglasdir, Llanrwst. Mynychodd aelodau o'r ddau grŵp lle bu trafodaeth ar amryw o bynciau gan gynnwys y cyflwyniadau canlynol:

Papyrus gan Anne Parry. Sefydlwyd yr elusen Papyrus gan rieni sydd wedi colli mab neu ferch i hunanladdiad. Mae Papyrus yn gweithio tuag at rwystro hunanladdiad mewn pobl ifanc ac un o'i amcanion yw cynrychioli pobl sydd wedi eu heffeithio gan hunanladdiad, nid I rieni yn unig. Mae gan Papyrus safle we www.papyrus-uk.org a llinell gymorth sydd wedi ei leoli yn Abertawe o'r enw HOPELineUK a'r rhif yw: 0870 170 4000 neu 01978 367333 ac mae ar agor pob diwrnod o'r flwyddyn.

Dan Straen! Pecyn I Athrawon gan Gareth Thomas & Pat Doorbar, TJB Cymru. Sefydlwyd TJB Cymru yn 2001 ac mae wedi ei leoli ym Mhenryndeudraethh. Yn dilyn ymchwil ar ganfyddiadau materion iechyd a lles preswylwyr gwledig Conwy, cynhyrchodd TJB Cymru becyn i athrawon i alluogi plant i ddysgu am beth sy'n achosi straen, yr affeithiau ar y corff a thechnegau ar sut i leihau'r symptomau. Am wybodaeth bellach e-bostiwch Gareth Thomas ar gareth@tjbcym.net.

Cyflwyniad ar waith yr Uned Cefnogi Partneriaethau (UCP) gan Hawis Jones. Mae'r UCP yn cael ei ariannu gan Lywodraeth Cynulliad Cymru a'i gynnal gan Gymdeithas Llywodraeth Leol Cymru. Cafodd ei sefydlu fel ymateb i'r angen a welwyd i gefnogi gweithredu Deddf Plant 2004 yng Nghymru, cryfhau gwaith partneriaethau a chynllunio'n strategol ar gyfer gwasanaethau plant a phobl ifanc. Diben UCP yw helpu i wella canlyniadau i blant a phobl ifanc drwy gefnogi gwaith partneriaeth a chynllunio strategol.

Cofnodion o gyfarfodydd blaenorol