Fe gynhaliwyd cyfarfod cyntaf y rhwydwaith hwn ym mis Mai 2007 ble y penderfynwyd mai’i gylch gwaith yw:

1. Dylanwadu ar bolisi yng Nghymru
2. Rhannu profiad ac ymarfer da
3. Cyfnewid gwybodaeth
4. Annog mwy o ddynion i mewn i’r gweithlu
5. Herio meddylfryd gweithwyr proffesiynol
6. Newid canfyddiadau’r cyhoedd o rolau gwrywaidd mewn gofal plant a magu plant
7. Annog gwasanaethau sy’n gefnogol i wrywod
8. Hyrwyddo delfrydau ymddwyn cadarnhaol ar gyfer pob plentyn a pherson ifanc
9. Ymchwilio barn a chasglu ystadegau am ddynion mewn gofal plant.

Fe hoffai’r rhwydwaith ehangu’i gwmpas i gynnwys yr holl weithwyr proffesiynol a gofalwyr gwrywaidd sy’n gweithio gyda phlant ifanc, gan cynnwys – y gwasanaeth gyrfaoedd, swyddogion gwybodaeth plant, y Gwasanaeth Prawf, y Gymdeithas Genedlaethol er Atal Creulondeb i Blant, Barnardo’s, Achub y Plant, Addysg Bellach ac Addysg Uwch, Partneriaethau Datblygu’r Blynyddoedd Cynnar a Gofal Plant, hyfforddwyr chwaraeon, Cyngor Chwaraeon Cymru, y Groes Goch, a’r Sgowtiaid, ac yn y blaen.

Y bwriad yw sefydlu gwefan gyda dolenni cyswllt a chynnal cyfarfodydd rhanbarthol yn Ne Cymru a Gogledd Cymru gyda golwg i gynnal cynhadledd ar gyfer Cymru gyfan.