• Hawliau ac anghenion y plentyn sy’n cael y brif ystyriaeth, ac y mae plant wrth graidd yr holl waith y mae’r gweithiwr Tadolaeth yn ei wneud.
• Y mae holl agweddau tadolaeth yn cael eu cwmpasu o fewn cylch gwaith y gwaith. Hynny yw, mewn teuluoedd dau riant, rhieni unigol, rhieni sydd wedi gwahanu a llys-rieni.
• Y mae’r holl waith yn ymwneud â thadau yn digwydd o fewn cyd-destun magu plant yn gadarnhaol, gan gynnwys hyrwyddo dulliau heb fod yn gorfforol sy’n wahanol i’r dulliau corfforol traddodiadol. 
• Fe fydd gwaith tadolaeth yn gweithredu o fewn cyd-destun ac ochr yn ochr â Fforwm Magu Plant.
• Fe fydd Plant yng Nghymru yn gweithio i hyrwyddo buddiannau tadau fel ag y maent yn ymwneud â hawliau ac anghenion eu plant, gan ddefnyddio’r amrywiaeth o lwybrau y maent yn eu defnyddio i hyrwyddo unrhyw faterion polisi neu ymarfer. 
• Hyrwyddo safle tadau gyda magu plant fel un sydd ar wahân ac yn wahanol i famau yng nghyd-destun magu plant.
• Fe ddylai’r holl waith yn ymwneud â thadau fod yn gynhwysol ac yn sensitif i faterion cydraddoldeb, e.e., pobl dduon a lleiafrifoedd ethnig, plant anabl, plant mewn angen, plant o berthynas un rhyw, a phlant cyplau sy’n cyd-fyw.

Y mae’r gwerthoedd hyn yn adlewyrchu’r rheiny a fynegir yn Erthyglau 9, 12 a 18 o Gonfensiwn y Cenhedloedd Unedig ar Hawliau’r Plentyn.

Y mae’r math o ystrydebu rhyw sy’n gweld mamau fel y prif ofalwyr dros blant a phobl ifanc yn dal yn gyffredin yma yng Nghymru.  Dim ond pan fydd tadau at ei gilydd wedi peri newid diwylliannol sylweddol yn y ffordd yr ydym ni fel cymdeithas yn magu’n plant, ac wedi dod yn fwy cysylltiedig â’u plant, y bydd y llysoedd yn cymeryd safbwynt mwy hyblyg mewn achosion gwahanu.  Y mae’r newid hyn eisoes yn digwydd; y mae bron draean o’r holl waith gofal plant yn y Deyrnas Gyfunol heddiw yn cael ei wneud gan dadau, ac y mae Plant yng Nghymru yn wirioneddol ar flaen y gad yn herio llawer o’r ystrydebau rhyw hyn.  Fe ddylid cynnig i holl dadau, nid dim ond y sawl mewn achosion gwahanu, nid yn unig y cyfleoedd, ond hefyd y medrau angenrheidiol i ddod yn fwy cysylltiedig â magwraeth eu plant.