Beth yw Safonau Galwedigaethol Cenedlaethol?

Mae Safonau Galwedigaethol Cenedlaethol yn ddatganiadau o gymhwysedd* y cytunwyd yn genedlaethol arnynt sy’n disgrifio’r hyn y mae gweithiwr effeithiol a chymwys yn ei wneud ac y mae arno angen ei wybod i ddarparu ansawdd yn ei waith.

*Fe ddiffinnir cymhwysedd fel "y gallu i berfformio hyd at y safon sy’n ofynnol mewn cyflogaeth ledled ystod o amgylchiadau ac i ddiwallu anghenion sy’n newid." (QCA).

Fe gafodd y Safonau Galwedigaethol Cenedlaethol ar gyfer Gweithio gyda Rhieni eu datblygu mewn ymgynghoriad â’r sector, ac fe’u cymeradwywyd gan gyrff Rheoliadol y Deyrnas Unedig (QCA, SQA, ACCAC a QCA NI) ar y 26ain o Ebrill, 2005. Maent yn gymwys i Gweithio gyda Rhieni ledled y pedair gwlad yn y Deyrnas Unedig.  

Fe gafodd Safonau Galwedigaethol Cenedlaethol ar gyfer Dysgu fel Teulu hefyd eu datblygu ac fe’u cymeradwywyd ar yr un pryd.  Mae yna rywfaint o dir cyffredin rhwng y ddwy gyfres o safonau.

Fe ellir defnyddio’r safonau i:

• Adnabod cymwyseddau a enillwyd yn flaenorol;
• Nodi bylchau mewn gwybodaeth a sgiliau;
• Meincnodi arferion gyferbyn â’r safonau;
• Sicrhau bod hyfforddiant yn berthnasol i rolau swyddi;
• Hwyluso hunan-asesu;
• Cynorthwyo i ddatblygu a chadw gweithlu mwy effeithiol;
• Cefnogi adolygu a chynllunio cyfundrefnol;
• Gwella recriwtio;
• Galluogi staff i gyflawni drwy’r gweithle.            

Y buddion o ddefnyddio Safonau Galwedigaethol Cenedlaethol Ar gyfer Sefydliadau:

Mae Safonau Galwedigaethol Cenedlaethol yn ffurfio cyfres barod o gymwyseddau y cytunwyd arnynt ledled y pedair cenedl.  Fe ellir eu defnyddio i gymorth unrhyw sefydliad i:

• Gwella recriwtio a chyfansoddiad timau drwy swydd-ddisgrifiadau, manylebau person a chyfweld yn effeithiol;
• Sicrhau bod staff yn sicr ynglŷn â’u cyfrifoldebau a’u gweithgareddau gwaith;
• Cynorthwyo i ddatblygu a dal gafael ar weithlu medrus, sydd wedi’u cymell yn dda a hyblyg; 
• Arfarnu perfformiad unigol a darparu adborth â ffocws i staff; 
• Nodi bylchau mewn gwybodaeth a sgiliau;
• Gostwng costau hyfforddi drwy gynllunio effeithiol ar raglenni dysgu a datblygu ac asesu yn y gwaith;
• Annog staff i ennill sgiliau a gwybodaeth ar gyfer gwell rhagolygon gwaith;
• Sicrhau bod staff yn cydymffurfio â gofynion cyfreithiol a chyfundrefnol; 
• Mesur perfformiad gyferbyn â meincnodau pendant;        
• Nodi blaenoriaethau ar gyfer eu datblygu, a gwella cynllunio cyfundrefnol;
• Hysbysu trafodaeth am arferion;
• Defnyddio safonau cyffredin wrth weithio mewn partneriaeth;
• Darparu tystiolaeth ar gyfer safonau ansawdd cenedlaethol, megis Buddsoddwyr mewn Pobl a Matrix;
• Gwella gofal cwsmeriaid.                                        

Mae’r buddion i weithwyr yn cynnwys:

• Swydd-ddisgrifiadau a lefelau cyfrifoldeb sydd wedi’u diffinio’n bendant;
• Meincnod i fesur eich sgiliau eich hun gyferbyn â safonau a gydnabyddir yn genedlaethol;
• Canllawiau ar arferion gorau;                                              
• Arfarniadau sy’n cydnabod ac yn gwobrwyo’u gwir lefelau o sgiliau a hyfedredd;  
• Nodi bylchau mewn gwybodaeth a sgiliau;
• Hyfforddiant i ddiwallu anghenion yr unigolyn;
• Anogaeth i ennill sgiliau a gwybodaeth ar gyfer gwell rhagolygon gwaith;
• Y gallu i ddefnyddio’r Safonau Galwedigaethol Cenedlaethol i ennill cymwysterau cydnabyddedig;
• Ymgymryd ag asesiad yn y gwaith, nad yw’n golygu amser helaeth i ffwrdd ar gyrsiau;  
• Boddhad swydd, a ddaw o hyder yn eich safonau perfformiad y chi’ch hun. 

Lawrlwythwch y Safonau Galwedigaethol Cenedlaethol ar gyfer Gweithio gyda Rhieni.

Safonau Galwedigaethol Cenedlaethol ar gyfer Gweithio gyda Rhieni

Os bydd gennych unrhyw gwestiynau am y Safonau Galwedigaethol Cenedlaethol, a fyddech cystal â chysylltu â lucy.akhtar@childreninwales.org.uk