Y mae’r adran hon yn amlinellu’r gwaith y mae Plant yng Nghymru yn ei wneud yn gysylltiedig â Rhianta.

Y mae rhianta yn weithgaredd a wneir gan y sawl sy’n magu plant. Y mae hyn yn cynnwys mamau a thadau, gofalwyr maeth a rhieni mabwysiadol, llysrieni, a theidiau a neiniau. Y mae awdurdodau lleol hefyd yn gweithredu fel rhieni corfforaethol i blant a phobl ifanc dan eu gofal.  Y mae Plant yng Nghymru yn gweithio ar lawer o lefelau i ddatblygu cefnogaeth i rieni yng Nghymru.  Yr ydym yn gweithio gyda Llywodraeth Cynulliad Cymru a gweithwyr proffesiynol eraill i wella’r gefnogaeth a’r wybodaeth sydd ar gael i rieni.

Yr ydym yn cynnull tri fforwm amlasiantaethol cenedlaethol:

• Fforwm Magu Plant/Parenting Forum – sydd ar hyn o bryd yn cynnwys y sawl sy’n gweithio gyda phlant a’u teuluoedd yng Nghymru, gan rannu arbenigedd ac arferion da, lledaenu gwybodaeth berthnasol a hyfforddiant.  Swyddog Datblygu Rhianta sy’n cynnull y fforwm.
  
• Rhwydwaith Cydgysylltwyr Rhianta Awdurdodau Lleol – y mae’r Rhwydwaith hwn yn rhoi cyfle i’r sawl sydd â rôl cydgysylltu ar gyfer rhianta yn eu hawdurdod lleol i gyfarfod a rhannu profiadau, arferion, gofidiau ac atebion.  Y mae’r Rhwydwaith yn cydategu Fforwm Magu Plant ond y mae’n benodol ar gyfer Cydgysylltwyr yn hytrach na gweithwyr proffesiynol sy’n darparu cefnogaeth gyda rhianta yn fwy cyffredinol.   
  
• Tadolaeth Cymru – sy’n hyrwyddo ac yn rhannu arferion da yn y maes sy’n llawn her o ymgysylltu â thadau.  Y mae’n cynnwys y sawl sydd naill ai’n gweithio ar hyn o bryd gyda thadau neu sy’n ystyried gwneud.  Swyddog Datblygu Tadolaeth sy’n cynnull y fforwm. 

Fe ddylai ymholiadau sy’n ymwneud â gwaith rhianta generig, Fforwm Magu Plant a Rhwydwaith y Cydgysylltwyr Rhianta gael eu cyfeirio at: Lucy Akhtar, Swyddog Datblygu Rhianta, Ffôn: 029 2034 2434, E-bost: lucy.akhtar@childreninwales.org.uk.  Fe ddylai ymholiadau sy’n ymwneud yn benodol â thadau a Tadolaeth Cymru gael eu cyfeirio at: Tony Ivens, Swyddog Datblygu Tadolaeth, Ffôn: 029 2034 2434, E-bost: tony.ivens@chilsreninwales.org.uk.

Yr ydym yn cynnal ystod o ddigwyddiadau a chyrsiau hyfforddi yn gysylltiedig â rhianta.  Fe ellir canfod manylion am y rhain yn yr adrannau Digwyddiadau a Hyfforddiant o’r wefan hon.  Fe ellir canfod y newyddion diweddaraf yn ymwneud â rhianta yn yr adran Newyddion ac fe ellir canfod manylion datblygiadau polisi yn yr adran Polisi.  Drwy ddethol yr hidlydd Teuluoedd a Rhianta ar yr ochr dde, fe allwch bori am ystod o ddogfennau polisi ar y pwnc hwn.  Fe ellir lawrlwytho fersiynau PDF o holl gyhoeddiadau Plant yng Nghymru ynglŷn â rhianta oddi ar yr adran Cyhoeddiadau.  

I fwyafrif o blant, y cartref teuluol yw ble y byddant yn gwireddu llawer o’r hawliau a amlinellir yng Nghytundeb y Cenhedloedd Unedig ar Hawliau’r Plentyn, UNCRC.  Y mae gan rieni yn amlwg rôl ganolog fel gwarcheidwaid ac eiriolwyr hawliau plant, gyda chyfrifoldeb ar y wladwriaeth i weithredu fel gwarantwr terfynol.  Y mae Cytundeb y Cenhedloedd Unedig ar Hawliau’r Plentyn ei hun yn cydnabod rôl allweddol rhieni – y mae Erthygl 18 yn ymgorffori hawliau rhieni i dderbyn cefnogaeth, ac y mae’n eu nodi hwynt fel y bobl sydd â phennaf gyfrifoldeb am benderfyniadau yn ymwneud â’u plant.

Fforwm Magu Plant

Tadolaeth Cymru - Gwaith gyda Thadau

Gwybodaeth i Rieni

Safonau Galwedigaethol ar gyfer Gwaith gyda Rhieni a Dysgu Teulu yng Nghymru

Bod yn daid a nain yng Nghymru

Cyrraedd y nod i deuluoedd? Cynhadledd Wythnos Rhianta 2008