Y mae’r rhaglen Dechrau’n Deg yn anelu at wneud gwahaniaeth pendant i gyfleoedd bywyd plant o dan bedair blwydd oed yn yr ardaloedd ble’i cynhelir. Y mae’n cael ei harwain gan y Partneriaethau Fframwaith Plant a Phobl Ifanc.

Y mae tystiolaeth ymchwil ar flynyddoedd cynnar yn awgrymu mai ond drwy fuddsoddi’n ddwys y gellir gwneud effaith bendant ar ganlyniadau plant.  

Y mae’r rhaglen yn cael ei darparu mewn ardaloedd diffiniedig, ac y mae’r hawl y gall pob teulu yn yr ardaloedd a dargedir yn lleol ei mwynhau wedi’i nodi fel:  

• Gofal plant rhan amser o ansawdd ar gyfer plant dwy flwydd oed.  Fe all y cyfryw ofal plant fod yn seiliedig ar unigolion neu fod mewn canolfan, ac yn rhan amser neu’n llawn amser, yn dibynnu ar angen.
• Gwasanaeth ymwelwyr iechyd.  Y mae ymwelwyr iechyd a bydwragedd, sy’n gweithio o fewn dull partneriaeth amlddisgyblaethol, yn rhan graidd o hawl Dechrau’n Deg.
• Rhaglenni rhianta.  Gwasanaethau cymorth rhianta sydd wedi’u seilio ar anghenion cyffredin ac anghenion penodol, unigol rhieni a’u plant. 
• Sgiliau Sylfaenol.  Fe ddylai pob teulu mewn ardal Dechrau’n Deg gael mynediad at raglen Iaith a Chwarae.
• Rhannu gwybodaeth a chyfeirio.  Fodd bynnag, efallai na fydd cyllid Dechrau’n Deg yn gallu ariannu gwasanaethau arbenigol ychwanegol ar gyfer plant sydd ag anghenion uchel os yw hyn yn peryglu’r hawl graidd.  Efallai mai’r ymagweddiad gorau fydd cyfeirio at y cyfryw wasanaethau.

Rhwydwaith Dechrau’n Deg

Y mae Plant yng Nghymru yn hwyluso Rhwydwaith Cychwyn Cadarn yng Nghymru, gan dynnu ynghyd Gydgysylltwyr Dechrau’n Deg, mewn cyfarfodydd chwarterol, a gynhelir fel arfer yng nghanolbarth Cymru.

Ar gyfer manylion cyfarfodydd, edrychwch ar y tudalen digwyddiadau. 

Fe all aelodau Rhwydwaith Cychwyn Cadarn rhannu adnoddau a cysylltu aelodau eraill y rhwydwaith drwy ymweld â www.flyingstartnetwork.org.uk. Cysylltwch ag info@childreninwales.org.uk ar gyfer cyfrinair.  

Members of the Flying Start Network can share resources and contact other members of the network by visiting www.flyingstartnetwork.org.uk. Please contact info@childreninwales.org.uk for a password.   

Os hoffech ragor o wybodaeth, a fyddech cystal â chysylltu â Lynne Hill, Cyfarwyddwr Polisi, Plant yng Nghymru.

Adnoddau

• Qualitative Evaluation of Flying Start IPSOS MORI, Awst 2009