Diwygio Statudol - Cliff Warwick, Swyddog Datblygu Cynhwysiant yn Llywodraeth Cynulliad Cymru

Fe roddodd Cliff Warwick, sy’n arwain ar gynlluniau ar gyfer Diwygio Statudol, gyflwyniad o dan y teitl Datganiadau neu Rywbeth Gwell? Crynodeb o’r Cynnydd a Wnaed Hyd Yma a’r Camau Nesaf.

Fe roddwyd 3 opsiwn gerbron gan Grŵp Gorchwyl i edrych ar ddisodli Datganiadau:

• Opsiwn 1: Fe gynigiwyd mân newidiadau i’r broses bresennol, oedd yn cynnwys ymgais i symud ymaith oddi wrth y model meddygol.  Fe fyddai gan bob un awdurdod lleol weithiwr proffesiynol arweiniol enwebedig, Panel amlasiantaethol o Arbenigwyr, ac fe fyddai disgwyl i ysgolion wneud gwelliannau ysgol gyfan i gymorth disgyblion sydd ag anghenion arbennig.  Nid oedd rhieni’n hoffi’r model hwn gan nad oedd yn ymestyn i Gweithredu gan yr Ysgol a Mwy.
• Opsiwn 2: ‘Roedd hwn yn cynnig ail-lunio'r ymagweddiad tuag at Ddatganiadau.  Un o’r nodweddion allweddol fyddai gostwng y ganran o blant sy’n derbyn Datganiad o’r 2 - 3% cyfredol o boblogaeth yr ysgol i 0.5%, a chanolbwyntio ar blant sydd â’r anghenion mwyaf difrifol a chymhleth.  Fe fyddai hyn yn fodel amlasiantaethol ehangach a mwy cyfannol, ac fe fyddai’n rhaid i wasanaethau cymdeithasol ac iechyd dderbyn y Datganiadau.  ‘Roedd rhieni’n hoffi’r syniad o gynllunio gofal cofleidiol ond ‘roeddynt yn anfodlon ynglŷn â’r diffyg amddiffyniad cyfreithiol ar gyfer Gweithredu gan yr Ysgol a Mwy.
• Opsiwn 3: Mae hwn wedi’i ddisgrifio fel Dull Pasbort o Weithredu, ac fe fyddai’n fodel wedi’i leoli yn yr ysgol fyddai’n caniatáu ar gyfer cynllunio unigol ac fe fyddai’n cael ei weinyddu ar lefel ysgol.  Fe fyddai yna system Technoleg Gwybodaeth yn cael ei datblygu, ac fe fyddai rhieni yn gallu cyrchu hon.  ‘Roedd rhieni’n hoffi’r syniad o ysgolion yn gweithio gyda’i gilydd ond ‘roeddynt yn anfodlon ynglŷn â’r diffyg arbenigedd yn ymwneud ag Anghenion Addysgol Arbennig.  

Yn yr holl opsiynau uchod, fe fydd cymorth i bobl ifanc sydd ag anghenion cymhleth yn ymestyn i 25 mlwydd oed.  ‘Roedd yna gydnabyddiaeth oddi wrth rieni nad yw’r gyfundrefn gyfredol yn gweithio’n iawn.  ‘Roedd y farn hon hefyd yn cael ei rhannu gan rieni ond ‘roeddynt yn hoffi amddiffyniad cyfreithiol y Datganiad a’r modd o gyrchu cymorth Tribiwnlys.  Mae adroddiad ar y papur cyn ymgynghori ar gael, ac mae cynigion ynglŷn â sut y gellir gwella’r system wedi’u datblygu.  Mae’r rhain ar hyn o bryd yn cael eu treialu ledled Cymru. Mae’r diffiniad o Anghenion Dysgu Ychwanegol hefyd yn cael ei ystyried.

Gweithwyr Allweddol Oed Trosglwyddo – Sally Rees, Cydlynydd Datblygu Cymru,  Rhwydwaith Cydlynu Gofal dros y Deyrnas Unedig (CCNUK)

Mae’r Rhwydwaith Cydlynu Gofal dros y Deyrnas Unedig yn cefnogi pum prosiect i weithwyr allweddol oed trosglwyddo yng Nghymru (hynny yw, yn Sir Benfro, Ceredigion, Gwynedd, Ynys Môn a Sir Fynwy) sy’n cael eu cyllido gan Lywodraeth Cynulliad Cymru.  Lawrlwythwch ragor o wybodaeth.

Ymateb i’r Ymgynghoriad

Fe wnaeth aelodau’r fforwm gwblhau ymateb i ddogfen ymgynghori Llywodraeth Cynulliad Cymru, sef "Hyrwyddo Cydraddoldeb yn y Sector Cyhoeddus yng Nghymru", fel rhan o’r Ymarfer Gwrando, o’r hyn y bydd cynigion yn cael eu datblygu ar gyfer y dyletswyddau cydraddoldeb penodol yng Nghymru.  Mae copi o’r ymateb ar gael ar yr ochr aelodau o’r wefan hon.   

Cyfnewid Gwybodaeth

Fe wnaeth aelodau hefyd rannu gwybodaeth am yr hyn sy’n digwydd yn eu sefydliadau.