Y mae’r Fforwm yn grwp amlasiantaethol sy’n rhannu gwybodaeth ac arferion da, ac sy’n lobïo dros faterion sy’n ymwneud â phlant a phobl ifanc anabl

Amcanion y Fforwm yw:

• Bod yn grwp cyffredinol i ystyried materion penodol (buddiannau, ymgyrchoedd, ac yn y blaen) ar gyfer plant a phobl ifanc anabl.
• Gwella effeithiolrwydd y gwasanaethau ar gyfer plant a phobl ifanc anabl a’u teuluoedd yng Nghymru. 
• Codi ymwybyddiaeth ac ymgyrchu dros faterion ar gyfer plant a phobl ifanc anabl, a gweithredu fel carfan bwyso dros gyflawni newid. 

Pwy sy’n Mynychu?

Ar hyn o bryd, fe fynychir y Fforwm gan weithwyr proffesiynol o feysydd addysg, iechyd, y gwasanaethau cymdeithasol a’r sector gwirfoddol sy’n gweithio gyda phlant a phobl ifanc anabl.

Beth sy’n Digwydd Mewn Cyfarfodydd Fforwm?

Y mae’r rhaglen ar gyfer pob fforwm yn cynnwys cyflwyniadau a roddir gan gynrychiolwyr sefydliadau sy’n gweithio gyda phlant anabl, trafodaeth ynglyn â phynciau allweddol a datblygu ymatebion i ymgynghoriadau.  Y mae yna hefyd gyfle i aelodau rannu gwybodaeth am weithgareddau diweddar mewn Cyfnewidfa Gwybodaeth.

Pa mor Aml y Cynhelir Cyfarfodydd?

Y mae’r Fforwm Cymru Gyfan yn cyfarfod tair gwaith y flwyddyn yng Nghanolbarth Cymru. 

Cost

Fe wna Plant yng Nghymru dalu am logi’r man cyfarfod, ac fe ofynnir i gyfranogwyr gyfrannu £7.00 tuag at gost y cinio bwffe.

Am fwy o wybodaeth, cysylltwch â Catherine Lewis – Swyddog Datblygu (Plant Anabl), Ffôn: 029 2034 2434, E-bost: catherine.lewis@childreninwales.org.uk