Y mae Plant yng Nghymru yn gweithio gydag aelodau i ymgyrchu dros ddarpariaeth deg o wasanaethau ledled Cymru ar gyfer plant a phobl ifanc anabl. Yr ydym yn gweithio i gefnogi aelodau i ddatblygu gwasanaethau i gynorthwyo i ddiwallu anghenion plant anabl yng Nghymru. Y mae enghreifftiau o’r gwaith hyn yn cynnwys:

• Cysylltu gyda Rheolwyr Timau Plant Anabl y Gwasanaethau Cymdeithasol i ystyried sut y mae cefnogaeth i blant anabl a’u teuluoedd yn cael ei threfnu, a sut y mae amcanion y rhaglen Rhoi Plant yn Gyntaf wedi effeithio ar y ddarpariaeth o wasanaethau lleol.
• Trefnu cyfarfodydd i lunio ymateb i ddogfennau ymgynghori perthnasol, megis Fframwaith Gwasanaeth Cenedlaethol ar gyfer Plant, Pobl Ifanc a’r Gwasanaethau Mamolaeth yng Nghymru.
• Cynrychiolaeth ar y Grwp Llywio gyda Chydlynu Gofal, sy’n amcanu at ddatblygu’r cysyniad o gydlynu gofal drwy Gymru i gyd. Y mae’r cysyniad hwn yn nodi gweithiwr allweddol a fydd yn cefnogi plant anabl a’u teuluoedd a thrafod gydag asiantaethau ar eu rhan.
• Cynorthwyo Cyngor Ieuenctid Cymru a Chyngor Gwasanaethau Ieuenctid Gwirfoddol Cymru (CWVYS) yn eu paratoadau ar gyfer cynhadledd o dan y teitl ‘Rheoli Newid, Chwalu Rhwystrau – Egwyddorion ac ymarfer gweithredu’r Ddeddf Gwahaniaethu ar sail Anabledd ar gyfer y sector ieuenctid gwirfoddol.’
• Cynnull amryw o fforymau a rhwydweithiau i ddod â chyrff ynghyd i rannu gwybodaeth ac arferion da ac i lobïo dros faterion sy’n ymwneud â phlant a phobl ifanc anabl.

Fe ddylid cyfeirio ymholiadau yn ymwneud â’r gwaith hwn at: Catherine Lewis, Swyddog Datblygu, Plant yn Gyntaf , Ffôn 029 2034 2434, E-bost: catherine.lewis@childreninwales.org.uk.

Plant a Phobl Ifanc Anabl a Chonfensiwn y Cenhedloedd Unedig ar Hawliau’r Plentyn: Y mae gwaith Plant yng Nghymru yn ymwneud yn agos â Chonfensiwn y Cenhedloedd Unedig ar Hawliau’r Plentyn. Y mae gwaith yn gysylltiedig â magu plant yn ymwneud ag Erthygl 23.