Nod y grwp yw dylanwadu ar bolisi cyhoeddus yng Nghymru ym maes plant a phobl ifanc anabl.

Fe gyflawnir hyn drwy:-

• Cysylltu â Chynulliad Cenedlaethol Cymru a Llywodraeth Cynulliad Cymru i godi ymwybyddiaeth o faterion perthnasol ac i roi adborth ynglyn ag effaith polisi.
• Hyrwyddo anghenion penodol plant a phobl ifanc anabl.
• Cyfrannu at ddatblygu polisi drwy aelodaeth o weithgorau ac ymatebion i ymgynghoriadau.  
• Nodi meysydd ble y ceir consyrn cyffredin a chytundeb ar y ffyrdd gorau o weithredu. 
• Gweithio mewn modd cydweithredol mewn meysydd sydd o fudd a chonsyrn i’r naill a’r llall ar lefel genedlaethol rhwng aelodau’r grwp.   
• Hyrwyddo a chefnogi cydweithredu a chydweithio rhyngasiantaethol. 
• Datblygu peirianwaith ar gyfer ymgynghori a chymeryd rhan gyda grwpiau a rhwydweithiau eraill. 
• Ymgysylltu’n effeithiol gyda phlant a phobl ifanc ynglyn â materion penodol i’w galluogi hwynt i gyflwyno’u safbwyntiau a’u barn.

Aelodaeth

Y mae aelodaeth o’r grwp yn agored i sefydliadau sy’n gweithio gyda phlant anabl a’u teuluoedd drwy Gymru benbaladr.  

Y mae’r sefydliadau sy’n aelodau ar hyn o bryd yn cynnwys Plant yng Nghymru, Action for Children – Gweithredu dros Blant, Barnardo’s Cymru, Swyddfa’r Comisiynydd Plant, SNAP, Cyswllt Teulu, ABCD, a’r Gymdeithas Genedlaethol er Atal Creulondeb i Blant.

Am ragor o wybodaeth, cysylltwch â Lynne Hill, Cyfarwyddwr Polisi, E-bost: lynne.hill@childreninwales.org.uk neu â Catherine Lewis, Swyddog Datblygu, E-bost: catherine.lewis@childreninwales.org.uk, Ffôn: 029 2034 2434.