Bob blwyddyn yng Nghymru, y mae mwy na 145,000 o blant a phobl ifanc yn mynychu Adrannau Damweiniau ac Achosion Brys oherwydd anaf anfwriadol, sy’n gyfwerth â thua 400 o blant bob un diwrnod.

Nod Plant yng Nghymru yw lleihau’r nifer hwn, ac y mae’n gwaith yn rhoi sylw i atal damweiniau ym mhob lleoliad, yn cynnwys gartref, ar y ffyrdd, o amgylch dŵr ac yn yr ysgol. Yr ydym yn cefnogi ac yn gweithio’n agos gydag aelodau ac ymarferwyr ledled Cymru i leihau’r nifer o blant a phobl ifanc sy’n cael eu hanafu drwy ddamweiniau bob blwyddyn.

Y mae gwaith Plant yng Nghymru’n cynnwys:

• Datblygu a gweithredu’r Strategaeth Atal Damweiniau i Blant gyntaf ar gyfer Cymru;
• Gweithio ochr yn ochr â Llywodraeth Cynulliad Cymru i hyrwyddo’r gwaith o atal damweiniau ac anafiadau anfwriadol i blant;
• Hyrwyddo ymchwil ynglŷn ag atal anafiadau;
• Hyrwyddo casglu data a gwyliadwriaeth ar anafiadau;
• Cydgysylltu rhwydwaith atal damweiniau effeithiol drwy Gymru i gyd;
• Gwella gwaith atal damweiniau cenedlaethol a lleol;
• Hyrwyddo arferion da yn seiliedig ar dystiolaeth;
• Cynnwys plant a phobl ifanc;
• Darparu cyngor, gwybodaeth, hyfforddiant ac adnoddau i ymarferwyr yn y maes.

Adnoddau dwyieithog ar gyfer Wythnos Diogelwch Plant

Mae Plant yng Nghymru yn gweithio gyda’r Ymddiriedolaeth Atal Damweiniau Plant (CAPT) i nodi adnoddau dwyieithog a all gael eu defnyddio yn ystod Wythnos Diogelwch Plant, yn ogystal â thrwy gydol y flwyddyn.

Mae One Step Ahead yn siart mur diogelwch arloesol gan yr Ymddiriedolaeth ar gyfer rieni a gofalwyr plant 0-2 flwydd oed. Wedi ei arlunio’n hardd mewn lliw llawn, mae’n cynnwys matrics hawdd ei ddeall sy’n gweddu oedran a datblygiad y plentyn â pheryglon yn y cartref.

Mae rhieni sy’n mynd i adrannau damweiniau a brys pan fydd eu plentyn wedi cael damwain yn dweud yn aml ei bod yn syndod iddynt y gallai’r plentyn rolio/cropian/dringo/cyrraedd/agor drysau a chypyrddau neu dynnu caeadau. Mae’r siart mur One Step Ahead yn ymdrin â hyn drwy roi iddynt yr wybodaeth maent ei hangen i aros un cam ar y blaen wrth atal eu plentyn rhag cael damwain ddifrifol yn y cartref.

Mewn cydweithrediad â Plant yng Nghymru, mae’r Ymddiriedolaeth yn bwriadu cynhyrchu, os oes digon o alw, fersiwn sydd â’r Gymraeg ar un ochr a’r Saesneg ar y llall. Mae pecynnau o 50 o siartiau mur lliw llawn ar gael am £50 gan gynnwys pecynnu a phostio.

Cliciwch yma i weld y fersiwn sampl

I rag-archebu, mae ond angen anfon e-bost at gillian.colver@capt.org.uk gyda’r manylion anfonebu a dosbarthu erbyn 31 Ionawr 2012. Os cawn o leiaf 20 archeb, caiff y siartiau mur eu hargraffu a’u hanfon ym mis Chwefror ynghyd â’ch anfoneb.

Fe ddylid cyfeirio ymholiadau yn ymwneud â’r gwaith hwn at:

Karen McFarlane
Swyddog Datblygu: Diogelwch Plant
Ffôn: 029 2034 2434

Ariannir swydd Karen gan Lywodraeth Cynulliad Cymru trwy'r Cynllun Grantiau Her Iechyd Cymru i'r Sector Gwirfoddol.

Y mae'r gwaith hyn yn cynnwys:

Tuag at Strategaeth Diogelwch Plant ar gyfer Cymru

Rhwydwaith Cyfnewid Arferion a Gwybodaeth am Atal Damweiniau i Blant (CHAPPIE)

Adnoddau a Ddolenni ddefnyddiol

Cynghrair Diogelwch Plant Ewrop

Cynhadledd IOBI 24 & 25 Medi 2009 - Cyflwyniadau

HAP Cymru

Ymyriadau gydag Anafiadau

Gwybodaeth ar gyfer rhiant neu ofalwr plant

Ymchwil ac adroddiadau ynglŷn ag Atal Anafiadau Plentyndod

Ystadegau

Adnoddau & Dolenni Defnyddiol – Cyffredinol

Adnoddau & Dolenni Defnyddiol - Diogelwch ar y Ffyrdd

Anoddau & Dolenni Defnyddiol - Diogelwch yn y Cartref

Anoddau & Dolenni Defnyddiol - Diogelwch Dŵr

Adnoddau & Dolenni Defnyddiol - Strategaethau Atal Damweiniau Awdurdodau Lleol