Y mae Plant yng Nghymru’n gweithio i ddatblygu Strategaeth Diogelwch Plant ar gyfer Cymru. Y mae’r prosiect hwn yn cael ei gyllido gan Her Iechyd Cymru, Llywodraeth Cynulliad Cymru ac y mae’n cael ei gefnogi gan lawer o sefydliadau ledled Cymru ac aelodau o’r Rhwydwaith CHAPPIE  (Rhwydwaith Cyfnewid Arferion a Gwybodaeth am Atal Damweiniau i Blant).

Fe fydd y Strategaeth Diogelwch Plant ar gyfer Cymru yn anelu at:

• Gwella iechyd a lles plant yng Nghymru;
• Rhwystro neu leihau difrifoldeb anafiadau y mae modd eu hosgoi;
• Lleihau anghydraddoldebau iechyd ledled Cymru;
• Tanategu a chyflwyno dulliau gweithredu i gefnogi polisïau Llywodraeth Cynulliad Cymru i gyflawni targedau penodedig ar gyfer lleihau anafiadau a marwolaethau;
• Hyrwyddo’r tegwch daearyddol ar gyfer atal damweiniau;
• Nodi ymyriadau arferion da sydd wedi’u seilio ar dystiolaeth;
• Cydgysylltu atal anafiadau damweiniol ac anfwriadol ledled Cymru.

Y mae yna grŵp llywio, a gydgysylltir gan Plant yng Nghymru, wedi’i ffurfio i ddarparu cyngor arbenigol ac arweiniad ar gyfer, yn gyntaf, datblygu’r Strategaeth Diogelwch Plant ac wedyn, yn ail, gweithredu’r Strategaeth yn effeithiol - cynllun gweithredu.

Y mae’r grŵp llywio wedi cynhyrchu papur briffio ymgynghorol: Tuag at Gynllun Gweithredu Diogelwch Plant.  Y mae’r ddogfen hon yn amlinellu’r argymhellion ar gyfer cynllun gweithredu, y math o ymyriadau y dylid eu mabwysiadu a’r cyd-destun polisi o fewn yr hyn y gwna’r argymhellion hyn weithio.

Fe wnaeth y broses ymgynghori bara am gyfnod o chwe mis, gan ddirwyn i ben ar y 12fed o Fedi, 2008.  Yn ystod y broses hon, fe wnaethom ymgynghori â phlant a phobl ifanc, rhieni a gofalwyr, ymarferwyr, a sefydliadau statudol, gwirfoddol a chymunedol.

Y mae’r ymatebion i’r ymgynghoriad yn cael eu dadansoddi ar hyn o bryd ac fe fyddant yn cael eu defnyddio i hysbysu’r ddogfen Papur Briffio derfynol.  Fe fydd y ddogfen hon ar gael yma i’w lawrlwytho o’r 16eg o Ragfyr, 2008.

Os hoffech ragor o wybodaeth am ddatblygiad y Strategaeth neu os hoffech ddysgu sut y gall eich sefydliad chi ei chefnogi, a fyddech cystal â chysylltu â: Karen.Mcfarlane@childreninwales.org.uk