Fe ddarparwyd cyflwyniadau ar adroddiadau diweddar a gyhoeddwyd, ac ‘roedd yna’r cyfle i’r sawl oedd yn mynychu i drafod y deilliannau, yr argymhellion a chynlluniau am y dyfodol gyda’r awduron.

1.    Cyflwyniadau:

Adolygiad cenedlaethol o’r gwasanaeth swyddogion adolygu annibynnol yng Nghymru: Marya Shamte – Arolygydd Gwasanaethau Cymdeithasol, Arolygiaeth Gofal a Gwasanaethau Cymdeithasol Cymru (AGGCC)

Mae’n ofynnol ar bob awdurdod lleol yng Nghymru i benodi swyddogion adolygu annibynnol i gadeirio achosion plant sy’n derbyn gofal.  Eu gwaith yw cadw golwg ar swyddogaeth yr awdurdod yn gysylltiedig â’r adolygiad a chyfeirio achosion at y Gwasanaeth Cynghori a Chynorthwyo Llys i Blant a Theuluoedd (CAFCASS CYMRU) os oes yna fethiant i weithredu’r cynllun gofal y gellid ystyried ei fod yn torri ar hawliau dynol y plentyn. Mae’r adroddiad ar gael i’w lawrlwytho oddi ar wefan AGGCC www.cssiw.org.uk                                                                         

Llawn Gofal – Gofalwyr Ifainc yng Nghymru 2009: Peter Hosking – Swyddog Polisi, Swyddfa’r Comisiynydd Plant

Fe wnaeth Comisiynydd Plant Cymru lansio adroddiad am, ac a ysgrifennwyd gan, ofalwyr ifainc o Gymru.  Mae Full of Care yn benllanw ymchwil cenedlaethol a wnaed gan Ofalwyr Powys ar ran Comisiynydd Plant Cymru.  Fe wnaeth y tîm prosiect, dan arweiniad gofalwyr ifainc eu hunain, gasglu barn a safbwyntiau oddi wrth bedwar ar bymtheg o 22 o brosiectau gofalwyr ifainc Cymru i nodi’r prif rwystrau y mae gofalwyr ifainc yn eu hwynebu pan ddaw hi’n fater o wireddu’u hawliau a amlinellir yng Nghonfensiwn y Cenhedloedd Unedig ar Hawliau’r Plentyn, yn cynnwys eu hawl i addysg, i ymlacio ac i chwarae ac i gael pobl i barchu’u safbwyntiau.  Lawrlwythwch oddi ar wefan y Comisiynydd Plant.

2. Canlyniadau Gwerthuso  

3. Rhwydweithio