Y mae’r adran hon yn amlinellu’r gwaith y mae Plant yng Nghymru yn ei wneud yn gysylltiedig â Thlodi Ymysg Plant Cymru

Fe ddylid cyfeirio ymholiadau yn ymwneud â’r gwaith hwn at:

Sean O'Neill

Cyfarwyddwr Polisi
Plant yng Nghymru, 25 Plas Winsor
Caerdydd CF10 3BZ
Ffôn: 029 2034 2434

Tlodi Ymysg Plant a Chonfensiwn y Cenhedloedd Unedig ar Hawliau’r Plentyn: Y mae gwaith Plant yng Nghymru yn ymwneud yn agos â Chonfensiwn y Cenhedloedd Unedig ar Hawliau’r Plentyn. Y mae’r gwaith ar Dlodi Ymysg Plant yn ymwneud ag Erthyglau 26 a 27 Confensiwn y CU. Fe ellir cael golwg ar yr Erthyglau hyn yn adran Confensiwn y CU o’r wefan hon: Erthygl 26, Erthygl 27.

Newyddion

Siarter Tlodi Tanwydd: Mae clymblaid o sefydliadau, yn cynnwys Plant yng Nghymru, wedi lansio siarter sydd yn amlygu’r camau brys sydd eu hangen i gael gwared ar dlodi tanwydd yng Nghymru. Mwy o wybodaeth.

Cydgytundeb ar Dlodi Plant
Mae Plant yng Nghymru wedi ymrwymo i ddileu tlodi ymysg plant yng Nghymru drwy lofnodi Cydgytundeb Llywodraeth Cynulliad Cymru ar Dlodi Plant. Mwy o wybodaeth.

Ymgyrchoedd

Dileu Tlodi Plant Nawr! Mae Eurochild wedi lansio ymgyrch, Dileu Tlodi Plant Nawr, sydd yn bwriadu casglu 100,000 o lofnodion erbyn diwedd 2010.

Ymwelwch â gwefan y Rhwydwaith Dileu Tlodi Plant Cymru
Y mae’r Rhwydwaith Dileu Tlodi Plant Cymru yn glymblaid o gonsyrn sy’n canolbwyntio ar dlodi ymysg plant.

Ymgyrch Dileu Tlodi Ymysg Plant
Y mae Plant yng Nghymru yn aelod o’r Ymgyrch i Ddileu Tlodi Ymysg Plant, clymblaid o sefydliadau o’r sectorau gwirfoddol, preifat a chyhoeddus sy’n ymgyrchu i sicrhau bod y nod o ddileu tlodi ymysg plant yn cael ei wireddu. Ewch i wefan Dileu Tlodi Ymysg Plant i ddarganfod mwy: www.endchildpoverty.org.uk Mae Dileu Tlodi ymysg Plant yn galw ar bobl i gysylltu â’u Haelod Seneddol lleol, y Canghellor a’u papur newyddion lleol i bwyso ar y llywodraeth i fuddsoddi mewn cymorth ariannol ar gyfer teuluoedd yn yr Adroddiad Rhag-gyllidebol ac i roi’r Pecyn Adfer o’r Dirwasgiad ar waith. Canfyddwch fwy a gweithredwch yn awr.

Gwneud i fudd-dal plant gyfrif
Y mae’r ymgyrch ‘Gwnewch i Fudd-dal Plant Gyfrif’, a lansiwyd gan y Grŵp Gweithredu ar Dlodi Plant, yn galw ar y Llywodraeth i gynyddu budd-dal plant ac i sicrhau bod plant iau’n cael yr un gyfradd â’r plentyn hynaf. Ewch i wefan yr ymgyrch i ddarganfod mwy: www.makechildbenefitcount.org

Adnoddau

Maniffesto NGO Tlodi Plant - Etholiadau'r Cynulliad Mai 2007
Mae grwp o fudiadau gwirfoddol wedi cynhyrchu maniffesto. Cliciwch yma i lawrlwytho'r adran ar dlodi.

Adroddiad Grwp Monitro CCUHP Cymru 2006 – Tlodi ymhlith plant