Y mae Plant yng Nghymru yn hwyluso Grwp Darparwyr Eiriolaeth Cymru Gyfan. Y mae’r grwp yn cynnwys darparwyr Eiriolaeth, Voices From Care, ac asiantaethau perthnasol sy’n gysylltiedig â chyfranogiad plant a phobl ifanc yng Nghymru. Y mae gan Swyddfa Comisiynydd Plant Cymru hefyd statws sylwedydd.

Diben y Grwp

Y mae’r grwp wedi’i sefydlu i:

• Hyrwyddo gwaith mewn partneriaeth a strategaethau datblygiadol rhwng sefydliadau.

• Hwyluso’r gwaith o ddatrys problemau a datrys gwrthdaro buddiannau dichonol.
• Hyrwyddo Confensiwn y Cenhedloedd Unedig ar Hawliau’r Plentyn a ‘Hawliau Plant’ yn gyffredinol.
• Cysylltu’r grwp hwn â materion mwy cyffredinol o ran cyfranogiad plant a phobl ifanc yng Nghymru.

Gweithgareddau

Y mae gweithgareddau a wnaed gan y grwp yn cynnwys:

• Darparu adborth i Uned Eiriolaeth Llywodraeth Cynulliad Cymru a chomisiynwyr lleol ynglyn ag effeithiolrwydd y broses dendro.
• Darparu llais ymgyrchu/lobïo ar y cyd ar gyfer y sector eiriolaeth.
• Rhannu ymarfer da o fewn fframwaith y safonau eiriolaeth.
• Darparu llais unedig ynglyn â thestunau allweddol yn ymwneud â chyfundrefnau statudol.
• Codi proffil eiriolaeth ledled yr holl wasanaethau (e.e. iechyd ac addysg, amddiffyn plant, ac yn y blaen, yn enwedig ble nad ydynt wedi datblygu digon).
• Ceisio â chael cyfiawnder o ran cyllido ledled Cymru (archwilio costau lefel resymol o wasanaeth ac ymdrech i sicrhau bod y cyfryw wasanaeth ar gael i holl blant a phobl ifanc Cymru).
• Trafod a chydweithredu ar ymatebion i ddogfennau ymgynghori priodol gan Lywodraeth Cynulliad Cymru.
• Trefnu hyfforddiant cydweithredol.

Y mae mwy o wybodaeth ar gael oddi wrth Sean O'Neill Cyfarwyddwr Polisi, Ffôn: 029 2034 2434, E-bost: sean.oneill@childreninwales.org.uk