Y mae Plant yng Nghymru yn weithredol gysylltiedig â chynorthwyo i ddatblygu rhagor ar y Model Cynadledda Grwp Teuluoedd yng Nghymru.

Cyfarfod yw Cynhadledd Grwp Teuluoedd ble y mae aelodau teuluoedd eu hunain, gan gynnwys plant a phobl ifanc, yn dylunio’u cynllun eu hunain i oresgyn problemau a nodwyd ac i ymateb i bryderon gweithwyr proffesiynol. Y mae’r cynadleddau, neu Gyfarfodydd Grwp Teuluoedd fel yr adwaenir hwynt weithiau, yn cael eu cynnull yn nodweddiadol gan gydlynwyr annibynnol nad ydynt yn uniongyrchol gyfrifol am asesu’r teulu nac am ddarparu gwasanaethau iddynt, ond yn hytrach y maent yn sicrhau bod teulu a chyfeillion yn cael eu gwahodd a’u paratoi’n ddigonol. Fe gaiff plant eu hannog yn gryf i fynychu ac yn aml fe’u cefnogir gan eiriolwr. Y mae yna 3 cham i’r cyfarfod: Cyfnewid gwybodaeth, amser preifat i’r teulu a chynllunio, ac fe all fod yna gyfarfodydd adolygu dilynol.

Y mae Plant yng Nghymru yn gweithio i ddatblygu rhagor ar y Model Cynadledda Grwp Teuluoedd yng Nghymru drwy:

• Mynychu cyfarfodydd Rhwydwaith Cyfarfodydd Grwp Teuluoedd Cymru Gyfan. Dyma’r rhwydwaith ar gyfer asiantaethau sy’n gysylltiedig â darparu’r cynadleddau/cyfarfodydd grwp teuluoedd yng Nghymru ac ar gyfer cyrff ac unigolion sydd wedi ymrwymo i hyrwyddo arferion da ac i ddatblygu rhagor ar y model.
• Cynnal gwefan y Rhwydwaith Cyfarfodydd Grwp Teuluoedd Cymru Gyfan, sy’n amlinellu’r defnydd o Gynadleddau/Gyfarfodydd Grwp Teuluoedd yng Nghymru, gan gynnwys manylion a rhifau cysylltu ar gyfer pob prosiect cyfredol, ffynonellau cyllid a meini prawf cyfeirio. Fe amlinellir yr wybodaeth yn gysylltiedig â phob un o’r 22 o ardaloedd yr Awdurdodau Lleol.
• Fe drefnodd Plant yng Nghymru lansiad y Pecyn Cymorth Grŵp Teulu yn y Senedd mewn cydgysylltiad â rhwydwaith y Cyfarfod Grŵp Teulu Cymru gyfan a’r Grŵp Hawliau’r Teulu ym mis Mawrth 2007.
• Fe wnaeth Plant yng Nghymru gynnal ymarfer mapio o’r gwasanaethau Cynhadledd Grŵp Teulu ledled Cymru yn 2008, ac fe wnaethant gynhyrchu adroddiad o’r canlyniadau.

Am fwy o wybodaeth, cysylltwch â: Sean O’Neill, Cyfarwyddwr Polisi, Plant yng Nghymru, Ffôn: 029 2034 2434, E-bost: sean.oneill@childreninwales.org.uk