Fe sefydlwyd Cyngor Polisi Plant yng Nghymru yn 2005. Y mae’i swyddogaethau yn cynnwys:

• Nodi materion, pryderon a blaenoriaethau y dylid eu tynnu at sylw, ac y dylent gael sylw gan Plant yng Nghymru.  
• Cynghori ynglyn â pholisïau, blaenoriaethau a rhaglenni gwaith Plant yng Nghymru; yn neilltuol, i fod yn weithredol gysylltiedig â datblygu ac adolygu cynllun strategol a rhaglen waith Plant yng Nghymru. 
• Derbyn cyfarwyddiadau a gwybodaeth oddi wrth Bwrdd yr Ymddiriedolwyr.
• Ystyried deisyfiadau oddi wrth Fwrdd yr Ymddiriedolwyr a/neu Uwch-Reolwyr i roi sylwadau gwybodus ynglyn â materion neilltuol.
• Bwrw sylwadaeth ar faterion a ystyrir gan Fwrdd yr Ymddiriedolwyr. 
• Hyrwyddo gwaith Plant yng Nghymru drwy’r gwahanol ddisgyblaethau, sectorau a’r ardaloedd i gyd yng Nghymru.
• Datblygu peirianwaith priodol ar gyfer cyfraniad effeithiol plant a phobl ifanc i waith Bwrdd yr Ymddiriedolwyr a’r Cyngor Polisi.

Aelodaeth o’r Cyngor Polisi

Y mae’r Cyngor Polisi wedi’i ffurfio o’r canlynol:

• Y mae holl aelodau Bwrdd yr Ymddiriedolwyr yn aelodau awtomatig o’r Cyngor Polisi. 
• Fe ellir penodi hyd at 10 aelod o’r Cyngor Polisi o sefydliadau sydd â diddordeb uniongyrchol yn, a chyfrifoldebau yn gysylltiedig â gwasanaethau i blant.  Y mae’r sefydliadau hyn yn cynnwys: Y Ddraig Ffynci, Cymdeithas Cyfarwyddwyr Gwasanaethau Cymdeithasol,  y Gwasanaeth Iechyd Cyhoeddus Cenedlaethol, Coleg Brenhinol Pediatreg ac Iechyd Plant, Cymdeithas Llywodraeth Leol Cymru, Cymdeithas Cyfarwyddwyr Addysg Cymru, Cydffederasiwn y GIG, CAFCASS Cymru a Chymdeithas Prif Swyddogion yr Heddlu.
• Fe ellir ethol hyd at 21 o aelodau i’r Cyngor Polisi drwy bleidlais gan yr aelodau.  Fe etholir yr aelodau hyn yn y fath fodd fel bod yna gynrychiolaeth o’r sector gwirfoddol, cyrff iechyd, addysg, y gwasanaethau cymdeithasol a sefydliadau eraill yn y sector statudol, cymdeithasau proffesiynol, adrannau academaidd, aelodau unigol ac asiantaethau preifat.