Yn ystod cyfarfod y Pwyllgor Iechyd a Gwasanaethau Cymdeithasol ar y 5ed o Chwefror, 2004, fe gyflwynodd y Gweinidog Iechyd a Gwasanaethau Cymdeithasol, Jane Hutt, y papur - Plant a Phobl Ifanc: Gweithredu'r Hawliau. Fe rydd y ddogfen hon fanylion y cynnydd sydd wedi'i wneud gan y Cynulliad a'i ymrwymiadau ar gyfer y dyfodol.

Rhan 1: Ein Hymrwymiad sy'n amlinellu ymrwymiad y Cynulliad yn gysylltiedig â Chonfensiwn y Cenhedloedd Unedig ar Hawliau'r Plentyn (UNCRC); Comisiynydd Plant Cymru; Cyfraniad plant a phobl ifanc; Datblygiad cynaladwy; Cosbi plant yn gorfforol; Plant mewn angen; ac Amrywiaeth a chyfle cyfartal.

Rhan 2: Gwneud i Bethau Ddigwydd sy'n nodi'r newidiadau y mae'r Cynulliad yn dymuno'u gwneud er mwyn gweithredu'u hymrwymiadau, sy'n cynnwys archwilio gwaith Is-Bwyllgor y Cabinet ar gyfer Plant a Phobl Ifanc; Adolygiad o ddiogelu plant sy'n agored i niwed; Partneriaethau Fframwaith; Gwasanaeth Cynghori a Chynorthwyo Llys i Blant a Theuluoedd; Arolygu; a gweithlu'r sector gofal, addysg ac iechyd.

Rhan 3: Y Saith Nod Craidd sy'n nodi'r hyn y mae Llywodraeth y Cynulliad yn ei wneud dros blant a phobl ifanc o dan bob un o'i amcanion craidd sy'n seiliedig ar Gonfensiwn y Cenhedloedd Unedig ar Hawliau'r Plentyn.

Nod 1: Cychwyn Bywyd yn Dda; sy'n ystyried Cychwyn Cadarn; Cymorth i Rieni gyda Magu Plant; Addysg yn y Blynyddoedd Cynnar a Datblygu Medrau Iaith a Llythrennedd;

Nod 2: Ystod Gynhwysfawr o Gyfleoedd Addysg, Hyfforddiant a Dysgu; sy'n cynnwys archwilio'r Wlad Sy'n Dysgu; Asesu a Phrofi; Gwrando ar Ddysgwyr; Bwlio; Gwahardd; Addysg gynhwysol; a Brecwast mewn ysgolion;

Nod 3: Yr Iechyd Gorau Posibl yn Rhydd oddi wrth Gamdriniaeth, Erlidigaeth a Chamfanteisio sy'n ystyried plant mewn angen, diogelu plant, ac iechyd plant a phobl ifanc;

Nod 4: Gweithgareddau Chwarae, Hamdden, Chwaraeon a Diwylliant;

Nod 5: Eu Trin gyda Pharch a Chydnabyddiaeth i'w Hil a'u Hunaniaeth Ddiwylliannol;

Nod 6: Cartref a Chymuned Ddiogel sy'n ystyried atal digartrefedd; troseddau ieuenctid; llwybrau diogel i'r ysgol, a chamddefnyddio cyffuriau;

Nod 7: Plant a Phobl Ifanc ddim dan anfantais oherwydd tlodi.

Rhan 4: Gosod Blaenoriaethau a Gwerthuso sy'n nodi ar gyfer ymgynghori dull cenedlaethol drafft o weithredu i ddatblygu polisi, gwella gwasanaethau i blant a phobl ifanc, a gwerthuso'r gwahaniaeth a wnaed i'w bywydau. Fe gynigir strwythur o amcanion, targedau a dangosyddion sy'n cydweddu â saith nod craidd Confensiwn y Cenhedloedd Unedig ar Hawliau'r Plentyn a'r Cynulliad. Y mae'n darparu sail ar gyfer strategaeth werthuso i farnu effeithiolrwydd y Fframweithiau a ffordd i bartneriaethau a'r Cynulliad weithio gyda'i gilydd. Fe gyflwynir Tablau yn y ddogfen sy'n nodi Deilliannau, Dangosyddion a Dull Gwirio ar gyfer pob un o'r saith nod craidd.

Fe ddylir anfon ymatebion erbyn Dydd Gwener, 7 Mai 2004 at:

David Middleton
Tîm Fframwaith Plant
Llywodraeth Cynulliad Cymru
Parc Cathays
Caerdydd CF10 3NQ
E-bost: david.middleton@wales.gsi.gov.uk