Ar y 23ain o Ragfyr, 2003, fe wnaeth y Gweinidog Cyntaf, Rhodri Morgan, a'r Gweinidog dros Blant, Jane Hutt, gyhoeddi bod Llywodraeth Cynulliad Cymru wedi penodi Gwenda Thomas, AC, i arwain adolygiad o'r cynnydd a wnaed hyd yn hyn gyda diogelu plant sy'n agored i niwed yng Nghymru. Y mae Llywodraeth Cynulliad Cymru yn awr yn gwahodd pobl i gyflwyno tystiolaeth ysgrifenedig i'r adolygiad.

Hyd y cyfnod ymgynghori: 27/4/04 - 2/7/04

Cylch gorchwyl yr adolygiad yw:

• Cynnal adolygiad o bolisïau ac arferion cyfredol ar gyfer diogelu plant yng Nghymru,


• ystyried p'un a ydynt yn ddigon eglur a chadarn i ddarparu gwasanaethau diogel ac effeithiol mewn awdurdodau ac asiantaethau;


• nodi cryfderau a meysydd y mae angen eu gwella;


• ystyried effeithiolrwydd trefniadau rhwng asiantaethau o ran diogelu plant, gan gynnwys effeithiolrwydd trefniadau cyfredol ar gyfer cofnodi a rhannu gwybodaeth, gan ystyried canfyddiadau ymchwiliadau i achos Soham;


• ystyried y risgiau a'r cyfleoedd sy'n dod yn sgîl y Rhyngrwyd a thechnoleg newydd o ran diogelu plant ac


• argymell i Lywodraeth Cynulliad Cymru y camau sydd angen eu cymryd er mwyn cryfhau polisïau ac arferion ar gyfer diogelu plant.


Fe fydd tystiolaeth yn cael ei chymryd a'i hystyried o amrywiaeth eang o ffynonellau, gan gynnwys canfyddiadau gwaith ymchwil ar ddiogelu plant, ac arolygiadau ac archwiliadau diweddar o wasanaethau plant.

Y mae Cynulliad Cymru yn gwahodd cyflwyniadau o dystiolaeth ysgrifenedig gan drawstoriad eang o bobl Cymru, yn enwedig plant a phobl ifanc, eu rhieni neu eu gwarcheidwaid, a gweithwyr proffesiynol. Fe fydd hyn o gymorth i hysbysu'r panel wrth iddo baratoi'r adroddiad.

Fe ddylir anfon tystiolaeth drwy'r post at:

Mike Burns neu Judith Smetham
Tîm Amddiffyn a Lleoli Plant
Y Gyfarwyddiaeth Plant a Theuluoedd
Llywodraeth Cynulliad Cymru
Parc Cathays
Caerdydd
CF10 3NQ
Ffacs: 029 2082 3142