Gwasanaeth Cefnogaeth Ddwys i Deuluoedd, Llwynypia
Rydyn ni’n credu mewn plant – a drwy weithio mewn partneriaeth â Chyngor Bwrdeistref Sirol Rhondda Cynon Taf, byddwch yn ymuno â gwasanaeth sy’n defnyddio dull gweithredu arloesol gydag asesiadau amddiffyn plant. Rydym yn cynnig ymateb unigol i deuluoedd sydd ag anghenion cymhleth drwy gefnogaeth ac ymyriadau therapiwtig, yn ogystal â chynnig hyfforddiant, gwasanaeth ymgynghori a gwaith uniongyrchol i blant sydd wedi dioddef trawma a chamdriniaeth.
Bydd gennych brofiad o waith asesu amddiffyn plant a pholisïau a gweithdrefnau cysylltiedig. Byddwch yn llawn cymhelliant ac yn greadigol a bydd gennych brofiad sylweddol o weithio gyda phlant a theuluoedd sydd mewn perygl o niwed arwyddocaol a phlant mewn angen. Bydd rhaglen hyfforddi a chynefino ar gael er mwyn eich galluogi i ennill y sgiliau angenrheidiol.
I gael rhagor o wybodaeth ac i wneud cais, edrychwch ar www.barnardos.org.uk/jobs gan chwilio am y cyfeirnod CYM769.
Dyddiad cau: 23ain Hydref 2008.